Георгий Ефруш - Макарсола ялын уста эргыже

Георгий Ефруш (Георгий Захарович Ефремов)
10 апрель 1916 ийыште Морко кундемысе Макарсола ялеш шочын.
Ачаже, Ефремов Захар Ефремович
ялысе туныктышо улмаш
Аваже, Никифорова Матрена
Никифоровна, тыглай кресаньык
пашам ыштыше удырамаш лийын

Шинчымаш корно тӱҥалтыш
8 ияш рвезе шинчымаш корным Горельский школышто тӱҥалеш. Литература корныш лекташыже эн ончычак моҥгысо еш илыш йоным ышта. Ачаже, Ефремов Захар Ефремович, историй ден литературым йӧратен, руш писатель-влакын возымыштым шуко лудын, Георгийым творческий корныш шогалаш кумылаҥден шоген.

Сылнымут корнын туҥалтыш ошкылжо
1933-1934 ийлаште Георгий Ефрушын первый произведенийже-влак шочыт, Морко районысо «Колхоз вий» тыгак «Рвезе коммунист», «Марий коммуна» газетлаште савыкталтыт

Шинчымашым нӧлтымаш
Возымо мастарлыкым вияҥдаш шинчымашым нӧлташ кӱлын, садлан Георгий Ефруш тунемаш тыршен.
1934 ийыште Морко медрабфакым тунем лектеш, вара Марий пединститутын литература факультетышкыже тунемаш пура.
Йошка-Олаште Георгий Ефруш сылнымут кружокыш коштеш. Олык Ипай, Казаков Миклай, Осмин Йыван, Анатолий Бик, Чалай Васлий да моло самырык писатель дене палыме лиеш.

Паша корно
1936 ийыште «Ямде лий» газет редакцийыште ыштен.
1937-ше ий гыч 1939 ий марте Медведево районысо Цибикнур кыдалаш школышто марий йылмым да литературым туныктен
1939-ше ий гыч 1940 ий марте МарНИИн наука пашаенже лийын

Георгий Ефруш
писатель семын писын кушкын
1931 ий гыч туналын 1940 ий марте шуко ойлымашым, пьесым , очеркым да почеламут-влакым воза.
Эн сай ойлымаш ден очеркше сар деч ончыч посна сборник денат лектыныт. Георгий Ефрушын прозыжо – ныжылге кумылан, лиризм шӱлышан. Уста писательын пьесыже-влак: «Ешем», «Тайра», «Эҥыремышвот», «Тушманын кышаже» марий драматургийым кугун пойдареныт. Тудо у книгалан рецензийым, рвезе автор-влакын мурпаша корнышт нерген статьям кӱрылтде возен шоген. Возымыжо «Марий коммуна», «Рвезе коммунист», «Ямде лий», «Ленин ой» газетлаш печатлалтын.

Чылалан палыме книга.
«Шошо» сборникыште ойлымаш,
очерк, статья, пьесе да
почеламут-влак печатлалтыныт.
Автор шке произведенийже-влак гоч
утларакшым колхоз илыш нерген
каласкален. Кӧ пашам йӧратен, нунын дене кугешнен, а йолагай-влакым койдарен.

Георгий Ефруш критика ден литературоведений пашаште ушан да тале шымлызе.
Тудо руш да моло калык литературым сайын палымыже, кугу эрудицийже дене ойыртемалтын. МарНИИн наука пашаеҥже лийын.
Георгий Ефруш, сылнымутан литературына кӱкшӧ идеян, келге шонымашан лийже манын, шонен, национальный кышкареш лакем шичме ваштареш кучедалын. Тудо ойлен: марий писатель моло калык литературымат сайын палышаш, творчество пашаштыже путынь тӱнямбал культурылан эҥертышаш.

Георгий Ефрушын родо тукымжо нерген статья-влак.
«Морко мланде», «Ямде лий» газетлаште писательын илыш корныж нерген шарнымаш да родо тукымжо-влаклан пӧлеклалтше статья-влакым лудаш лиеш.

Йолташ-влак
Георгий Ефруш Семен Николаев, Миклай Казаков дене пырля

Георгий Ефрушлан Макарсола ялыште чап оҥам почмо годым (2008-ше ий)
Макарсола ялыште
илыше калык
Шочмо суртышкыжо чап оҥам пижыктыме
Уна-влак Г. Ефруш нерген каласкалат
Пайремын унаже-влак