Қазақстан Республикасының Тәуелсіздік күні. Тәуелсіз Қазақстанның халықаралық жеңістері

Қазақстан Республикасының Тәуелсіздік күні. Тәуелсіз Қазақстанның халықаралық жеңістері.

Дәйексөз
Тәуелсіздік – ата-бабамыздың жүздеген жылдармен өлшенетін арман-аңсарының жүзеге асқан ақиқаты. (Н.Назарбаев)

Тәуелсіздіктің алғашқы жылдарының бірінде мен альпинистер тобымен Алатаудың мұзарт шыңын бағындыру ға шықтым. Шың басына тігілген, тау желінің күшімен құлаш жая желбіреген байрақтың әсері әлі күнге менің есімде… Тәуелсіздік дәуірі дегеніміз – ұлттың шыңырау шетіндегі таудың қатерлі соқпағымен жүргенімен бірдей құбылыс. Алайда біз оны да бағындыра алдық. Осы жылдарда маған көп нәрсені өз көзіммен көруге тура келді. Қауырт жұмысқа толы сол күндердің барша ауыртпалығы мен толқыныстарын, ұйқысыз түндерді санамалау да мүмкін емес. Мен тұтас мемлекеттердің тағдырына әсер ететін немесе күні бүгінге дей ін ықпал-күшін бұрынғыша әлсіретпей ұстап келе жатқан саңлақ саясаткерлермен де, қазіргі әлемнің болмысына тікелей ықпалы бар шешімдер қабылдаған адамдармен де көп кездестім. 1991 жылғы сайлаудан кейінгі бірінші жұмыс аптасында өзім 1991 жылдың 16 желтоқсанында қол қойған «Қазақстан Республикасының Мемлекеттік Тәуелсіздігі туралы» заңның мәтінімен жұмыс істедім. Құқықтық тұрғыда әлемнің саяси картасында дәл осы күні жаңа тәуелсіз мемлекет – Қазақстан Республикасы пайда болды. Осылайша тарихи әділеттік орнап, бабаларымыздың ұлы арманы орындалды. Бұған дейін декларация түрінде ғана болған мемлекеттік тәуелсіздік енді конституциялық негізге ие болды. Меніңше, Тәуелсіздік күні тек ресми бекітілген мерекелік дата ғана болуға тиісті емес, бұл күннің одан анағұрлым маңызы үлкен мазмұны бар. Ол тәуелсіздік жолындағы күрестің нүктесін қоюмен бірге, оның басталған күні де болды. Бүгін әр қазақстандық оны өзінің жеке тәуелсіздігі мен табысты күні есебінде мерекелей алады.
Дескриптор:
-Мәтінді оқиды;
-Авторға сілтеме жасайды;
-Оны анықтайдын деректерді көрсетеді;
-Бес сөйлемге синтаксистік талдау жасайды

2-тапсырма
1-топ «Постер» әдісі Тәуелсіздікке жету жолында қазақ халқы қандай тарихи кезеңдерді бастан өткерді?
2-топ «кестемен жұмыс»әдісі. Оқылым мәтінінен құрмалас сөйлемдерді теріп жазып, жасалу жолдарындағы ерекшеліктерді кестеге түсіріңдер.
Дескриптор:
-Тәуелсіздікке жетудегі халықтың бастан кешірген тарихи кезеңдерді постерге түсіріп айтады;
-Құрмалас сөйлеммен жай сөйлемнің айырмашылықтарын біледі;
-Мәтінді оқып кестеге түсіреді

3-тапсырма. Оқылым және тыңдалым мәтіндеріндегі жай сөйлемдерді кестеде берілген байланысу тәсілдеріне қарай құрмалас сөйлемге айналдырыңдар.
Дескриптор:
-Оқылым, тыңдалым мәтіндерін мұқият тыңдап оқиды;
-Жай сөйлемдерді құрмалас сөйлемдерге айналдырып жазады;
-Морфологиялық талдау жасайды

4-тапсырма. «Сұрақ-жауап»әдісі
1-топ Тәуелсіз Қазақстанның халықаралық жетістіктеріне ел тарихындағы қандай оқиғаларды жатқызуға болады?
2-топ Тәуелсіз Қазақстанның қандай жетістіктерін білесіңдер? Өздерің білетін ақпараттарды ортаға салыңдар.

Рефлексия «Плюс-Минус-Қызығамын» кестесі бойынша кері байланыс жасайды.