Чооду Күнзекович Кара-Күскениң чогаадыкчы намдары

Чооду К-К. К. ог-булези: Аалынын ишти: Чооду Сииринмаа; Уруу: Чооду Аида Кара-Куске;
Оглу: Чооду Дамырак Кара-Кускеевич. 5 уйнуктарлыг.

Ол 1936 чылдың май 5-те Самагалдайга тɵрүттүнген. Берт-Дагның эге, Самагалдайның 7 чыл школаларын, Кызылдың кɵдээ ажыл-агый техникумун, педагогика институдун дооскулаан. Агроном болгаш биология башкызы эртемниг.
Эзир-Каранын херээжен ээзинин дунмазы.

Чогаал ажылын 1950 чылдарда эгелээн. Ооң баштайгы «Хүнезин» деп шүлүү 1953 чылда «Сылдысчыгаш» солунунга парлаттынган, а баштайгы ному «Дамды» деп ат-биле 1968 чылда чырыкче үнген. Ол ёзулуг уруглар чогаалчызы, бүгү чогаадыкчы ажыл чорудулгазын уруглар чогаалынга бараалгадып келген.

Ооң чогаалчы болгаш журналист ажылдарының ачызында сурагжаан чүгүрүк аът Эзир-Караның тɵɵгүзү тодараттынган, бистиң тɵрээн суурувус Ак-Эрикте Эзир-Карага болгаш сумувустан ол үеде репрессиялатканнарга тураскаал 1993 чылда ажыттынган, «Эзир-Кара» байырлал база үндезилеттиген.

Чогаалчының баштайгы ному

150 хире шүлүктери ургуларның, тыва чоннуң ынак ырлары апарган дизе хɵɵрем эвес. Ч. Күнзековичиниң «Шайывыс», «Итпиктиң ыры» болгаш ɵске-даа ырлары «XX вектиң эң-не дээре бичии уруглар ырлары» деп даңзыже кирген болгаш чогаалчы ук конкурстуң дипломантызы болган.