Николай Иванович Ишуткин

Н.И.ИШУТКИН
Николай Иванович Ишуткин шачсь 1954-це кизоня 28-це майста Большеберезняковскяй райононь Симкина велеса, кона ащи аф ичкозе Сурань вирьхнень эзда. Аляц поэтть ульсь учителькс, тядяц - колхозницаль.
1961 кизоня сон тусь васенце классти Симкинскяй восьмилетняй школав. 1971 кизоня аделазе Шугуровскяй средняй школуать. Сяка кизоня поступась тонафнема Н.П.Огарёвонь лемса Мордовскяй госуниверситету филологическяй факультету. Университетть аделамда меле арась журналистокс. Кемоньда лама киза покодсь «Эрзянь правда» газетаса.

Н.И.ИШУТКИН
Стихонь сёрмадома ушедсь университетса тонафнемстонза. Васенце стихонза «Од пора» и «Килейне» лиссть 1973 кизоня «Сятко» журналса. Лама тейнза лездсть эрзянь содаф поэттне В.К.Радаев, М.А.Втулкин.

Н.И.ИШУТКИН
Университетть аделамда меле.

Н.И.ИШУТКИН
Н.И.Ишуткин творческяй кинц виияфтозе работамок «Эрзянь правда» газетаса.Оцю лезкс тись газетать видеса литературнай объединениясь. Сонь вятезе Мордовиянь заслуженнай писательсь В.К.Радаев.

«Чилисема» журналть главнай редактороц Н.И.Ишуткин и Числав Журавлёв.

1989–це кизоня лиссь «Валскень теште» («Утренняя звезда») стихонь башка сборникоц. 1994-це кизоня лиссь омбоце сборникоц «Тештень мастор» («Звёздная страна»).
1998-це кизоня лиссь рузонь кяльса васенце стихонь книгац – «Пейзаж души».
2004-це кизоня – юмористическяй азксонь и пародиянь «Вармань кандовкст» («Принесённые ветром»).

Поэтть стихонза лисендсть коллективнай сборникса: «Тештине» («Звёздочка», 19820, «Маней васолкст» («Ясные дали», 1987), «А сепсынь арсемам ды мелем» («Не скрою думы и мысли свои», 1993), «Калейдоскоп» (1989) и лияса.

Мекольце кизотнень Николай Иванович Ишуткин работай «Чилисема» журналса главнай редакторкс. Фалу вешенди од сёрмадыхть, ванонды касомаснон мельге.

IV Всеросийскяй творческяй семинар «Югра глазами»

29.05.2014к. Н.И.Ишуткинонь юбилеец. 60 кизоц.

Н.И.Ишуткинонь книганза.

Николай Иванович Ишуткин варчсесыне виензон и сатирань жанраса. «Чилисема» журналса пара мяльса вятьсы сингорямань-пеетькшнемань уженять, пеетьфти азксонза лисендихть журналса.

«Юкстаф марлю пере»
Марлю шуфттне ащихть ськамост Абон учсемасна ётни
Пиди палакс ёткса. Мельгаст якайть васьфтезь.
Учендыхть тунданять саманц Кулось сире азорсь ёт ни,
Кемазь, кода одста. Ну, а од из касфтов.
Учендыхть: вов лиси азорсь,
Тараткаснон пети.
Морай нармотть лиихть тяза,
И шиньберьф аф сетьмихть…
Лятфтасазь ся пингть, ушарды,
Афи пяк кунардонь,
Коста тяса ламоль марьда,
Атясь нинге нардель…
Пялес синнеф кенкшкясь чивор
Нюрси вармать ала:
Тя тунданя аф сай кивок
Марлю шуфттнень малакс

«Сокор седи»
Пичедян мес, седи, Лямбат, хоть аф нардят,
Палондат кинь инкса? Аердайцти лезнят.
Мес трнатат, седи, Вестьке кяж аф ардат,
Лопакс сёксе пингста? Панжадат эрь мезне.
Нать, аф содат сяда – Сетьмозь, апак колентть,
Ётни шиса-веса Ризфонь апак оратт
Пупсетядазь яду Пеняцяма молемс
Куйнь оржа пейса. Киндивок аф ёрат.
Кемат кинди повсь тон, Эзот сембось тяльги,
Мезевок аф вешат. Хоть аф сембось педи.
Но аф няйсак: овстамс Нать, аф тяфтак мярьгихть
Кой-кит ёрайхть эсот. Тондейть сокор седи.

Рузонь кяльса сёрматф стихотворениянза.
Первый снег,
как первый стих,
Появился и затих.
Он совсем ещё несмелый,
Чистый-чистый,
Белый-белый.
Я боюсь его спугнуть,
Растоптать и обмануть.
Первый стих
И белый снег,
Новизны
счастливый
бег.

За резной калиткой – лето,
Блики солнца на траве.
Вот он – праздник для поэта,
Мысли роем в голове…
Зноем, клевером и медом
Пахнут новые стихи,
Пишет их сама природа, –
Потому они легки.
В них с листвой играет ветер
И гудит, трудясь, пчела,
Ни за что бы я на свете
Не нашёл один слова…