Ҡатын-ҡыҙ — әсә

Мин Хайбулла районы Арысланғол ауылында күп балалы ғаиләлә икенсе бала булып донъяға килгәнмен

Мәктәпте күрше ауылға йөрөп уҡыным, һуңынан район үҙәгендә тегенсе һөнәрен үҙләштерҙем

Уҡып бөткәс күрше ауыл егететенә кейәүгә сыҡтым
Бына инде 23 йыл бергә татыу итеп биш бала тәрбиәләйбеҙ

Беренсе ҡыҙым Ғәзизә Ырымбур ҡалаһында табиб һөнәрен үҙләштерә

Икенсе ҡыҙым Зөбәржәт Сургут ҡалаһында менеджер һөнәрен өйрәнә

Улым Ильяс Сибай ҡалаһында гимназияла уҡый
Өйҙә саҡта бик ярҙам итә

Ике бәләкәс ҡыҙым мәктәптә уҡый

Буш ваҡытта тик ултырмайым, тегенергә яратам, фотола мин эшләгән
селтәр

Район үҙәгенә көн дә йөрөп машина йөрөтөргә уҡып алдым, күптәнге хыял ине
Ауылдан эш буйынса йөрөргә лә, балаларҙы ҡаршы алырға ла бик уңайлы

Йәй минең иң яратҡан миҙгел, сөнки йәшелсә-емеш йыям, бал була, сәй киптерәм

2015 йылда
"Әсәлек даны"орденына лайыҡ булдым

Һөт, май, ҡорот, эремсек һәм йәй көнө ҡымыҙ, бал эшләп һатам. һораусылар күп, хатта район үҙәгендә лә, ә туристар үҙҙәре белеп бөткән, гел инеп торалар
Тормош иптәшем Алмаз менән фермер хужалығы алып барабыҙ

Илембетова Разиля Вакиловна