Сацыяльна значны праект Памяць пра мінулае дзеля будучых пакаленняў

Мэта праекта:
фарміраванне пачуцця патрыятызму, павагі да гістарычнага мінулага, нашых традыцый праз захаванне гістарычнай памяці і спадчыны малой радзімы.
Задачы праекта:
стварыць умовы для рэалізацыі патрыятычных якасцяў навучэнцаў школы ў канкрэтнай сацыяльна значнай справе;
Вызначыць месцазнаходжанне памятных месцаў, што сведчаць аб гістарычным мінулым аграгарадка Порплішча;
Аднавіць храналогію гістарычных падзей, што адбываліся на тэрыторыі нашага аграгарадка;
Развіваць пазнавальны інтарэс, актыўнасць, жаданне пазнаць сваю малую радзіму;
Развіваць творчыя здольнасці навучэнцаў праз арганізацыю пошукавай дзейнасці.
Мэтавая аўдыторыя:
навучэнцы, жыхары аграгарадка Порплішча, турысты.

Актуальнасць і сацыяльная значнасць праекта:
У цяперашні час грамадскае развіццё краіны патрабуе выхавання сацыяльна-актыўных, самастойных, творчых асоб, адаптаваных да ўмоў сучаснага жыцця. Ад таго, наколькі развіта пачуццё патрыятызму кожнага члена грамадства, залежыць лёс нашай Радзімы. А любоў да Радзімы, як вядома, пачынаецца з малога: сваёй вёскі, вуліцы, землякоў. Сапраўдны патрыятызм немагчымы без ведання гісторыі сваёй малой радзімы.
Радзіма… Айчына… У каранях гэтых слоў блізкія кожнаму вобразы: маці і бацька, бацькі, тыя хто дае жыццё новаму чалавеку. Выхаванне пачуцця патрыятызму – працэс складаны і працяглы. Любоў да блізкіх людзей, да роднага краю і роднай краіны адыгрывае вялікую ролю ў станаўленні асобы .
У апошнія гады адбываецца пераасэнсаванне сутнасці патрыятычнага выхавання: ідэя выхавання патрыятызму і грамадзянскасці набывае ўсё большую грамадскую значнасць, становіцца задачай дзяржаўнай важнасці. Пры гэтым акцэнт надаецца на выхаванне любові да малой радзімы.
2022 год у Беларусі абвешчаны Годам гістарычнай памяці. Год гістарычнай памяці – гэта вельмі важна для нашай сучаснасці, напоўненай мабільнасцю, мітуснёй і ўсімі тымі перашкодамі, якія знішчаюць самыя галоўныя каштоўнасці чалавека. А гістарычная памяць бярэ свае вытокі з ведання гісторыі сваёй малой радзімы, таго месца, дзе ты нарадзіўся і жывеш.

Этапы рэалізацыі праекта
Змест праекта
Па ініцыятыве піянераў школы пад кіраўніцтвам настаўніка гісторыі, было вырашана паглыбіць, абагульніць і сістэматызаваць сабраны матэрыял аб гісторыі аграгарадка Порплішча, архітэктурных помніках, падзеях Вялікай Айчыннай вайны, стварыць інфармацыйныя шыльды і размясціць іх на аб’ектах аграгарадка, бо гэта важны сродак інфармацыі і папулярызацыі гісторыі сярод жыхароў аграгарадка і турыстаў.
Акрамя таго, знаёмства з гістарычным мінулым роднага краю дапаможа ў выхаванні патрыятызму сярод падрастаючага пакалення.
Пры рэалізацыі праекта выкарыстоўваюцца разнастайныя формы і метады работы: пошукава-даследчая дзейнасць, відэафільм, творчая работа, сустрэчы за круглым сталом, праца з успамінамі, сацыялагічнае апытанне.
Зыходзячы з задач рэалізацыя праекта ажыццяўлялася па этапах: падрыхтоўчы, асноўны, заключны.
Сацыяльнае партнёрства
Для рэалізацыі асноўных мерапрыемстваў праекта былі выбраны сацыяльныя партнёры: ААТ «Барсучанка», Дзяржаўная ўстанова адукацыі «Парплішчанская сярэдняя школа” Докшыцкага раёна, Парплішчанскі сельскі выканаўчы камітэт.
Партнёрскае ўзаемадзеянне было замацавана вуснымі падтрымкамі арганізацый.
Бюджэт праекта
Пазабюджэтныя сродкі: 25руб. 00 капеек для друку інфармацыйных шыльдаў.
Усяго 25 руб. 00 капеек.

Падрыхтоўчы этап

Асноўны—пазнаваўча-творчы этап

Заключны этап

Маніторынг эфектыўнасці
рэалізацыі праекта
Праектам “Памяць пра мінулае дзеля будучых пакаленняў” былі ахоплены вучні 5-8 класаў, у колькасці 32 чалавекі, 10-13 гадоў. З мэтай рэалізацыі плана быў арганізаваны і праведзены круглы стол, выстава матэрыялаў перыядычнага друку, прагледжаны відэафільмы, прысвечаныя гісторыі Спаса-Праабражэнскай царквы, фільмы пра жыццёвы і творчы шлях Альбіны Аліноўскай, створаны самімі вучнямі фільм «Сівая легенда», які расказвае пра гісторыю ўзнікнення вёскі. Праведзена даследчая работа і сістэматызацыя напрацаваных матэрыялаў па гісторыі аграгарадка.
Для пацвярджэння павышэння ўзроўню ведаў вучняў пра гісторыю малой радзімы было праведзена паўторнае сацыялагічнае апытанне. Па выніках апытання узровень ведаў пра гістарычннае мінулае аграгарадка значна павысіўся, акрамя гэтага павысілася цікавасць і мэтазгоднасць да правядзення такіх мерапрыемстваў у школе
Пры рэалізацыі праекта выкарыстоўваліся сучасныя інфармацыйныя тэхналогіі і тэхнічныя сродкі.