1968 - 2018 ж Ақжар орта мектебінің түлектеріне 50 жыл. Фотоальбом

1968 – 2018 Ж АҚЖАР ОРТА МЕКТЕБІНІҢ ТҮЛЕКТЕРІНЕ 50 ЖЫЛ

БИСМИЛӘҺИР – РАХМАНИР - РАХИМ
“Елу жылда – ел жаңа, жүз жылда - қазан” деген халық мәтелі бүгін сан рет есіме оралды.
Елу жыл ...
Бүгін Түймекент мектебін бітіргенімізге және осы мектептің соғылғанынан кейінгі алғашқы түлектерінің легіндеміз...
Жарты ғасыр уақыт біле білгенге аз уақыт емес. Соғыстан соңғы жылдары дүние есігін ашқан ұрпақтармыз. Менімше, ол кездері жастардың білімге деген құштарлығымен ерекшеленетін. Біздің сүйікті ақынымыз – Қасым Аман жолов, жазушыларымыз – Ғабит Мүсірепов, Сәбит Мұқанов, Ғабиден Мұстафин тағы басқалары болды. Қасым ақынның “Мектеп – кеме, білім – теңіз, барар жерге тез жетеміз” деген өлеңін жатқа айтатынбыз. Онда мұғалімдер капидандарға ал, шәкірттері жас теңізшілерге теңелетін еді ғой. Қазіргідей бәрі оңайланған, керекті пернесін басып қалсаң не керегіңді алдыңа тосатын компьютер жоқ заманда біз ілімді мұғалімдердің өткізген сабақтарынан, қала берді кітаптан алдық. Бағымызға сол ұстаздарымыз білімді, өз істерін шебер меңгерген, бала жанын түсіне білетін, қабілетін дәл басып танып, одан әрі дамуына көмектесетіндер болып жолықты.
Менімен бір сыныпта онды бітіргенше бірге оқығандардың қай-қайсы да сол шақтағыдай, уыздай жас күйлерінде көз алдыма елестейді. Ендеше соларды сағынышпен еске алып көрейікші.

Жаңа айтқанымыздай, ұстаздарымыздың арасында осалы болған жоқ. Жылы жүрегімізбен еске алсақ, орыс тіліннен Байрамов И.М, химиядан Имамбердиева Г, тарихтан Құдиярбеков К, дене тәрбиесінен Қасымов С, алгебрадан Туғанбаев С.Т, шет тілінен Гельмен В, физикадан Алпысбаев Т, географиядан Рамашова А, қазақ тілінен әрі класс жетекшіміз Баялиева М. Мектебіміздің оқу ісінің меңгерушісі Башаров Ж.Директоры О.Жарболов еді. Алатаудың әрбір шыңындай шоқтығы биік парасатты жандар еді. Барлығы дерлік дүниеден озды, имандары саламат болсын! Класс жетекшіміз Майкен Баялиевна әпкиіміз – жасы 80-нен асты, немерелерінің ортасында ардақты әже болып,Тараз қаласында тұрып жатыр.