МБОУ Вертепская ООШ. Районный конкурс Семь чудес Ижемского района. Спас лун

Праздник.
Вертеп сиктын август 14-öд лун лыддьыссьö ыджыд крам праздникöн – Спас лунöн либö вöвъяслöн молебен лунöн.
1900-öд воö сиктын кутöмаöсь кувны вöвъяс. Некод абу тöдöма мыйысь найö кулöны. Йöзыс решитасны спаситны гортса пемöсъясöс.

Галпи сиктын вöлöма Трöица нима храм. Йöзыс крестнöй ходöн локтöмаöсь Вертепö. Пуысь вöчöм крестсö вайöмаöсь тент улын.
Краснобор вичкоысь воöма попыс, лыддьöма ваас молебен. Йöзыс быдсöн вайöдöмась ва дорö вöвъяссö. Ютасны да резасны вежа ванас скöтсö.
Сы бöрын вöвъяс абу кутöмаöсь кулавны.

Канева Маргарита Павловна висьталöм серти, йöзыслöн вераыс ыджыд вöлi да передайтчис скöтыс вылö: Спас лун- спаситель.

Крестсö, кодöс вайисны Галпиысь, сувтöдiсны Семён Гальöлöн керка местаö. Важöн танi вöлöма луд. Челядь да верстьö йöз пыр татчö чукöртчылöмаöсь: тулысын видзöдöмаöсь йи кылалöм, витасöн да дитяткоöн ворсiсны.А сэсся дыр кад кольöм бöрын крестыс сiсьмöма. Семён Гальö верöсыскöд татчö вöчöмаöсь керка.

Йöзыс тайö местаас пыр локтöны. Симён Гальö керка пытшкас видзö кöртысь вöчöм крест. Тайö крестсö вайöма Краснобор сиктысь Додь Машö уна во сайын. Быд во крестнас васö вежöдöны, креститöны.

Матысса керкаысь вайöны ва пельса. Васö катлöны ю дорысь зонъяс, а нывъяс кайöны вотны вöрö чöд. Асывсянь кык час лунöдз мунö служба: пемöсъясöс резöны вежа ваöн, лыддьöдлöны молебен, йöзыс босьтöны аскöдныс вежа ва.
Став йöзыс татчö чукöртчöны: Красноборысь, Пустыняысь, Галпиысь, Устьеысь.

1989 воын Вертепö волic Епископ Питирим. Канева Маргарита Павловна сод дорын, будкаын лöсьöдiсны юны тшай. Зэв уна народыс вöлi.

1990-öд воын васö освятитöма Пустыня сиктысь Терентьева Клавдия Тимофеевна (Иго Глашö) Вайисны ва пельса,челядь катлiсны юысь ва. Клавдия Тимофеевна-медся пöрысь мортыс лыддис молитва, резiс берёзовöй веткаясöн йöзсö да скöтсö. Став йöзыс босьтiсны ва. Тшайсö юисны Канева Маргарита Павловна сод дорын.

Öнiя кадö йöзыс быд во волöны тайö местаас, пасъясьöны, пыравлöны гöститны Симён Гале дорö. Вежа васö вайöны Красноборскöй вичкоысь, содтöны прöстöй ваö. Сы бöрын праздничайтны йöзыс кайöны клубö.

Ме кöсъя, медым тайö традицияыс и водзö олö. Галина Фёдоровна тшöктiс вöчны пуысь крест да пуктыны важ местаас. А водзö вылö вертепсаяслы колö стрöитны вичко.

Информантъяс:
Канева Галина Фёдоровна, 1935 год
Канева Екатерина Антоновна, 1928 год
Семяшкина Парасковья Христофоровна, 1932 год
Семяшкина Нина Борисовна, 1945 год
Канева Маргарита Павловна, 1944 год
Канева Ия Андреевна, 1933 год