Генеалагічны праект Мой радавод у фармаце Вікіпедыі

Актуальнасць тэмы
Праз гісторыю рода ўжывую спасцігаецца гісторыя і сучаснасць. Стыхійна гэта адбываецца ў кожнай сям’і праз аповеды і жывыя зносіны, але вусныя апавяданні і паданні недаўгавечныя, многае з часам губляецца, таму неабходны спецыяльныя намаганні, каб гісторыя рода не знікла бясследна.

Мэта даследавання
вывучэнне радаводу Галузіных і лёсу яго асобных прадстаўнікоў як носьбітаў гістарычнай памяці, нашчадкаў лепшых рыс, каштоўнасцей і якасцей продкаў
Задачы даследавання
1. Выяўленне невядомых фактаў біяграфіі маёй сям’і.
2. Стварэнне цікавага і пазнавальнага артыкула аб яе гісторыі.
3. Распаўсюджванне вядомых мне фактаў сярод родзічаў.
4. Захаванне знойдзеных фактаў для будучых пакаленняў.

План работы
- Фармулёўка праблемы, мэты і гіпотэзы даследавання;
- Падбор матэрыялу;
- Пошук інфармацыі ў Інтэрнэце;
- Стварэнне мультымедыйнай прэзентацыі.

Гіпотэза
Магчыма,
што ў выніку даследавання атрымаецца не толькі цалкам сабраць фактычны сямейны матэрыял, знайсці раней невядомыя факты з жыцця маіх родзічаў, але і аформіць усё гэта ў выглядзе цікавай работы, захоўваючы яе для будучых пакаленняў, якія не застануць ужывых сведкаў далёкіх падзей
Матэрыял для даследавання
фотаархіў, дакументы (пасведчанні аб нараджэнні, аб заключэнні шлюбу, атэстаты і г. д.)

Бабуля Галя

Старонкі энцыклапедыі
Г
Галіна Галузіна (Сокал) – мая бабуля па татавай лініі. Нарадзілася 2 ліпеня 1935 года ў в.Вострава Капыльскага раёна. Вельмі добра вучылася, адразу паступіла ў педагагічны інстытут імя Горкага на фізіка-матэматычны факультэт, але правучылася ўсяго толькі 2 месяцы, бо не было матэрыяльнай падтрымкі. Пайшла працаваць на Мінскі аўтамабільны завод, там сустрэла каханне, выйшла замуж і паехала на радзіму мужа -у Астраханскую вобласць. Уладкавалася на мясцовы кансервавы завод, а ў 1962 годзе вярнулася на радзіму і пайшла працаваць на Радзівіламонтаўскі кансервавы завод. У 1966 годзе скончыла Маладзечанскі політэхнічны тэхнікум па спецыяльнасці тэхнік – тэхнолаг. Усё сваё астатняе жыццё звязала з кансервавым заводам: рабочая, хімік-лабарант, майстар цэха дзіцячага харчавання, начальнік цэха дзіцячага харчавання, загадчык склада. На пенсію выйшла ў 1992 годзе, занялася выхаваннем унукаў і хатняй гаспадаркай. На жаль, 8 сакавіка 2014 годзе мая бабуля пайшла з жыцця.
Ганна Сокал (Борыс) – прабабуля, мама маёй бабулі Галі. Нарадзілася ў 1900 годзе ў в. Крывасёлкі Капыльскага раёна ў беднай сям’і, рана асірацела, гадавала мачыха. Малапісьменная, але прыгожая дзяўчына запаланіла сэрца адукаванага юнака, выйшла за яго замуж, нарадзіла 5 дзяцей. Пасля смерці мужа ў 1947 годзе астатняе жыццё правяла ў сем’ях дачок, гэты свет пакінула 26 снежня 1986 года.

Дзядуля Іван

Старонкі энцыклапедыі
І
Іван Галузін – мой дзед, татаў бацька. Нарадзіўся ў Чэрвеньскім раёне. Існуюць 2 версіі даты нараджэння – 1 чэрвеня (запісана ў пашпарце) і 1 мая(са слоў прабабулі Дамінікі). Мы святкуем 1 мая.
Многа дзе майму дзеду прыйшлося папрацаваць: слесар і токар Мінскага аўтамабільнага завода, прадпрыемства “Волгаэнергарамонт”, Харабалінскі кансервавы завод, Харабалінская нафатабаза і нарэшце Клецкі кансервавы завод. Па ўспамінах родзічаў і суседзяў, у дзеда Івана былі “залатыя рукі”, мог адрамантваць любую машыну. Гэтыя якасці перадаліся і майму тату. З 1979 года дзед знаходзіўся на пенсіі па інваліднасці, а ў 1988 годзе 11 верасня памёр. Я яго ніколі не бачыла.

Мой тата Сяргей

Старонкі энцыклапедыі
С
Сяргей Галузін – мой татачка. Нарадзіўся 21 верасня 1966 года на праваслаўнае свята Багач, скончыў Чырваназоркаўскую школу ўсяго з 2 чацвёркамі, Мінскі радыётэхнічны інстытут. Па размеркаванні трапіў на Клецкі механічны завод і вось ужо болей за 25 год там працуе. Тата – чалавек адкрытага і шчырага сэрца, вельмі сціплы, ураўнаважаны. Яго паважаюць, нават старэйшыя звяртаюцца пачціва “Сяргей Іванавіч”. Тата разбіраецца ў розных прыладах, да яго запісваецца чарга на рамонт. Ён дапамагае работнікам сельскай гаспадаркі раёна, рамантуючы складаную тэхніку. Для гэтага тата праходзіў навучанне ў Германіі. Я яго вельмі-вельмі люблю.

https://be.wikipedia.org/wiki/Радавод
Праект Радавод — адкрытае шматмоўнае генеалагічнае дрэва, у якім кожны можа змяніць або дапоўніць любую сям'ю, любога чалавека і пабудаваць сваё ўласнае радавое дрэва

http://be.radavod.wikia.com/wiki/Radavod_Wiki
Вітаем у Radavod Wiki – вольнай генэалягічнай энцыкляпэдыі, якую можа рэдагаваць кожны. У беларускамоўнай вікіпэдыі цяпер 0 056 артыкулаў.
Генэалягічныя вікіпэдыі існуюць таксама на іншых мовах: на ангельскай - Familypedia, расейскай - Genealogia Wiki, і францускай - Familles

https://ru.wikipedia.org/wiki/Familypedia
URL: familypedia.wikia.com
Коммерческий: Нет
Тип сайта: Генеалогический
Регистрация: Необязательная (за исключением необходимости загрузки файлов и редактирования защищённых страниц)
Язык(-и): Мультиязычный
Расположение сервера: Майами, Флорида
Владелец: Wikia
Начало работы: 2004
Текущий статус: Активный

Заключэнне
Важна не проста намаляваць сямейнае дрэва, а важна зразумець, чым жылі нашыя продкі, якія сямейныя традыцыі, характары ўласцівыя нашым продкам.
Гэта значыць, вывучэнне радаводу сям’і, гісторыі продкаў і пабудова сямейнага дрэва можа апынуцца не толькі цікавым і захапляльным заняткам, але яшчэ і даць вельмі карысную інфармацыю для нас і нашых нашчадкаў.