Белорусская вышивка

Вобразы Сонца i Зямлi
Нашы продкi-славяне лiчылi, што галоўнымi багамi сярод людзей i ў прыродзе з'яўляюцца светлае Сонца i Мацi-Зямля-Кармiліца. Ад iх пайшло ўсё жыццё на зямлi. Бог Сонца i Мацi-Зямля даюць людзям усё: хлеб i ваду, цяпло i святло, рэчкi i азёры, палi i лясы.
Iх дзецi – Ярыла i Жытняя Баба – глядзяць за ўродам жыта i пшанiцы. У Ярылы i Жытняй Бабы былi свае дзецi – ураджай Жыцень, ураджай Спарыш, ураджай Рай, ураджай Багач. Яны глядзелi, каб на нiве быў урод, каб жытнi колас быў цяжкi, каласiсты, каб уся нiва была застаўлена снапамi ды бабкамi, каб сталы ламiлiся ад хлеба-караваю.
У старыя часы да Сонца, як да бога, звярталiся па дапамогу.
Вобраз Сонца мае выгляд ромба з праменямi ўбакi. Запаўненне ромба мае розныя варыянты.
Вобраз Зямлi-Кармiліцы набыў выгляд ромба, запоўненнага маленькiмi квадрацiкамi цi ромбiкамi. Гэта нiбы зярняткi, роўна засеяныя на полi дбайнай рукой селянiна.

Вобразы дрэва i палёў
Жыццё нашых продкаў было цесна звязана з лесам. Ён даваў дрэва на будаўнiцтва i розныя вырабы, кармiў грыбамi i ягадамi, ачышчаў паветра, насычаў яго кiслародам. Таму ў народнай творчасцi так часта прысутнiчае вобраз дрэва: магутнага волата-дуба, пяшчотнай дзяўчыны-бярозы, гаротнай сiраты-калiны, прыгожай ўдавiцы-рабiны, удалога малайца-клёна.
Таксама натхняла рукадзельнiц прыгажосць палёў, якiя залацяцца спелым жытам, i зялёных, цi квецiстых лугоў.
Вобраз песнi
Калi дзяўчаты вышывалi ўзоры, яны спявалi песнi. Асаблiва падабалiся iм песнi аб каханнi. Песнi i ўзоры суправаджалi беларускую сялянку напрацягу ўсяго жыцця. Гэта як самыя блiзкiя сябры, яе мары i спадзяваннi. Розныя па настроi песнi выклiкалi нараджэнне розных узораў.

Вобраз Мацi–Радзiцельнiцы
Вобраз мацi характэрны для мастацтва ўсяго свету, але ў беларусаў карыстаецца асаблiвай любоўю. Магчыма таму, што працавiты, мiралюбiвы беларускi народ, якi нiколi нi на каго не нападаў, сам не раз цярпеў ад варожых нашэсцяў, якiя неслi на беларускую зямлю спусташэннi i смерць. Ратавала народ ад канчатковай пагiбелi толькi здольнасць жанчыны нараджаць. Таму i ўслаўлялi нашы продкi жанчыну-мацi, упрыгожваючы яе стылiзаваным сiмвалам многiя свае вырабы.
Калi Бог хоча благаславiць жанчыну, ён пасылае ёй у дар дзiця. Таму ў старыя часы найбольш шанаванай, найбольш паважанай была багiня Мацi-Радзiцельнiца. Яна нарадзiла i выхавала нас усiх, дала нам самае дарагое – жыццё.

Вобраз агню
У язычніцкіх славян быў пашыраны культ агню. Увогуле агонь, ачаг у нашай свядомасьці звязваецца з домам, сям’ёю. Вытокі гэтых вераванняў – у тых часах, калі чалавек упершыню навучыўся карыстацца сілай агню.
У славян агнём загадваў Жыжаль – блізкі сваяк антычнага грэчаскага бога агню і рамёстваў Гефеста. “Жыжаль – добры дзядзька. Ён усіх абдорыць: жанок – сярпамі, мужыкоў – лемяхамі, дзетак цяплом сагрэець. Выпаліць печы, каб старыя грэлі плечы”.
У вышыўцы і ткацтве Жыжаль паказваецца багата распрацаваным матывам, у аснове якога – васьміканцовая разетка – зорка. Ад яе адыходзяць стылізаваныя ці досыць рэалістычныя раслінныя ўзоры.

Вобраз Ярылы
Ярыла ў язычніцкай міфалогіі ўсходніх славян – бог сонца, вясны і ўрадлівасці, кахання. Гэты вобраз у народным уяўленні ўвасабляў абуджэнне прыроды пасля зімовага сну, змену зімовага холаду на веснавую квецень. У гонар Ярылы праводзіліся вясновыя святкаванні, якія суправаджаліся спевамі, пляскамі, карагодамі. У часы хрысціянства Ярыла заменены святым Юрыем.
Ярыла – сімвал адвечнага росквіту вытворчых, жыццёвых сіл прыроды. Само слова паходзіць, відаць, ад слоў “яр, ярына, яравы”, што значыць веснавы, як яравая пшаніца ці жыта.
Вобраз Ярылы шматбачлівы, як шматбачлівая вясна – то халодная, то цёплая, то дажджлівая, то сухая. Таму і ў народнай творчасці вобраз Ярылы ўвасоблены многімі узорамі.

Вобраз кахання
Так, пачатак кахання, першае знаёмства хлопца з дзяўчынай сімвалізуюць два галубы, павернутыя галовамі ў адзін бок, якія ідуць адзін за адным.
Калі птушкі павернуты галовамі адна да адной, а асабліва калі паміж імі – букет кветак, – гэта сімвал кахання ў самым росквіце.
Калі ж птушкі павернуты галовамі ў розныя бакі – на жаль, каханне скончылася. Гэта выява – паэма пра трагічнае каханне, каханне без узаемнасці.
Найбольш поўнымі выразнікамі лірычных і паэтычных настрояў у народным мастацтве былі птушкі. Так, зязюля сімвалізавала жанчыну-удаву, салавей – песняра кахання, сокал – вобраз каханага, арол – героя.
Што датычыць голуба – ён сімвалізуе многія паняцці. Так, ён выступае як сімвал міру, у хрысціянстве абазначае Святога духа. Але часцей за ўсё ён сімвалізуе каханне.

Вобраз пеўня
Шчасце сям'i, сядзiбы, хаты ахоўвалi абярэгi – сiмвалы свяшчэнных жывёл i птушак. Сярод такiх вобразаў-абярэгаў вядучае месца займае певень. Крык пеўня асацыiруецца з наступленнем дня, узыходам сонца, знiкненнем нячыстай сiлы. Певень – як дамавiк, ён аберагае селянiна, сцеражэ сямейнае шчасце.
Два пеўнi, сiметрычна размешчаныя паабапал букета цi вазона, выступаюць у ролi абаронцаў, апякуноў жаночай долi.

Вобраз моцнай дзяржавы,
крэпкай сям’i
Вобраз чалавека
Кожная цывiлiзаваная краiна заклапочана ўмацаваннем сям’i. Гэта той падмурак, на якiм трымаецца дзяржава. Моцная сям’я – моцная дзяржава, аснова дабрабыту i шчасця.
Дзяржава складаецца з людзей. Чалавек – аснова жыцця на зямлi, аснова сям’i, прадаўжэння роду, моцы дзяржавы. Сiмвалам чалавека ў народнай свядомасцi з’яўляецца зорка. “Нарадзiўся чалавек – на небе з’явiлася яго зорка. Добры чалавек – яго зорка гарыць ярка”, – кажуць людзi. Зорка таксама сiмвал славы, росквiту творчых сiл. Кажуць: “Зорка першай вялiчынi”, “ закацiлася яго зорка”.

Вобраз роднай Беларусi
Вобраз крынiцы
Вобраз роднай Беларусi перадаецца ў выглядзе разеткi, аблямаванай гiрляндай кветак. Вышываючы гэты ўзор, майстрыха гаворыць аб сваёй любовi да Радзiмы, прапануе, каб людзi захаплялiся Беларуссю i яшчэ больш шанавалi яе. Для многiх вышывальшчыц любоў да сваёй Бацькаўшчыны звязваецца з любоўю да нечага канкрэтнага, што яны бачаць штодзённа – магутнага лесу i дуброў, блакiтных рэк i азёр, маляўнiчых лугоў i садоў, прасторных палёў i нiў.
У старыя часы, калi нашы продкi яшчэ не ўмелi капаць калодзежы, чыстую ваду яны бралi з крынiц. Гэта было святое месца. Крынiчная вада лiчылася карыснай, гаючай, чароўнай. У крынiцах такая вада, казалi ў народзе, што калi чалавек яе нап’ецца, будзе дужы ды здаровы. Таму крынiца – гэта сiмвал жыццёвай сiлы, моцы, здароўя, сiмвал духоўнасцi, яднання з роднай зямлёй.

Вобраз жыцця
Васьміканцовая зорка
Жыццё – каб паказаць ідэю жыцця, росквіту і адзінства ўсяго існага, салярны знак змяшчалі ўнутры зямнога. Называюць гэты элемент арнаменту па-рознаму: “Жыццё”, “Вясна”, “Ярыла”. Беларусы лічылі, што ў ім схаваная вялікая таямніца жыцця і стараліся мець у кожным доме.
Васьміканцовая зорка – вельмі старажытны сімвал, які пазначае чалавека. У залежнасці ад спалучэння з іншымі элементамі можа сімвалізаваць жанчыну, жанчыну-маці або мужчыну – главу сям'і.

Вобраз берагіні
Абярэг ад хвароб
Берагіня – персанаж беларускага фальклору, абараняе маці і дзіця. Паказваецца ў выглядзе жаночай фігуркі з крыжыкам або квадрацікам ў раёне галавы або грудзей. Калі рукі складзеныя на ўзроўні жывата, такі сімвал можа азначаць жанчыну на сносях.
Абярэг ад хвароб – сімвал, закліканы адвесці ад чалавека хвароба і абараніць ад злых духаў. Выстаўленыя ва ўсе чатыры бакі «рагаткі» нібы паўтараюць старажытны жэст абароны – разведзеныя ў бакі паказальны і сярэдні пальцы пры сціснутым кулаку.

Вобраз продкаў
Хлеб
Продкі – гэты сімвал азначае, што памяць аб прабацькам будзе жывая, пакуль будзе жывы іх род.
Хлеб – старажытная аснова багацця сям'і. Гэты сімвал нагадвае пра тое, якой цяжкай працай дастаёцца хлеб чалавеку, і аб неабходнасці паважлівага стаўлення да яго.

Душа
Сімвал Святога Дрэва і Радаўніцы
Душа – паказваецца ў выглядзе стылізаванага матылька або матылька (бабочки) з узорам (або крыжыкамі) на крылах, падкрэсліваючым яе далікатнасць або бязважкасць.
Сімвал Святога Дрэва і Радаўніцы – у ромбе Радаўніца ў выглядзе двух ялінак. Па абодвум бакам – сімвалы душ нябожчыкаў-сваякоў. Гэта шанаванне іх памяці, адначасова і надзея, што продкі паспрыяюць сям'і ў здароўі і дабрабыце.