Браніслаў Іосіфавіч Ярмашкевіч

Браніслаў Іосіфавіч Ярмашкевіч нарадзіўся 16 жніўня 1937 года на Барысаўшчыне.
Вайсковец, педагог, паэт, публіцыст, Ганаровы член Саюза пісьменнікаў Беларусі, лаўрэат конкурса ў намінацыі “Паэзія”, прысвечанага 875-годдзю горада Гродна, лаўрэт абласной прэміі імя А.І. Дубко “За творчыя дасягненні ў галіне культуры і мастацтва” ў намінацыі “Пісьменнік года –2008” (за кнігу вершаў “Зямлі маёй нераўнавага”).

Пасля заканчэння ў 1956 годзе Метчанскай сярэдняй школы 19-гадовы Браніслаў ідзе на тэрміновую вайсковую службу. Служыў у Казахстане і Петразаводску ў 22-ой паветранай арміі.
Пасля тэрміновай службы скончыў Чарапавецкае вайсковае вучылішча сувязі з адзнакай і Усесаюзны юрыдычны завочны інстытут.
Служыў на розных афіцэрскіх пасадах у СССР і за мяжой, у тым ліку 10 гадоў на Далёкім Усходзе і Чукотцы.

З 1980 года жыве ў Гродна. Скончылася служба ў радах Савецкай Арміі ў 1982 годзе.
З 1982 года па 2005 працаваў ваенруком у Путрышкаўскай сярэняй школе Гродзенскага раёна.