Фольклор нөҥүө оҕо уйулҕатын уһугуннарыы

“Фольклор – норуот историческай сайдыытын кэрэһитэ, атын норуоттартан уратылаһар өйө – санаата, историческай опыта, өйдөбүнньүгэ”
Далан

Оҕону кыра эрдэҕиттэн кэрэҕэ тардыы, сири дойдуну, айылҕаны, бэйэ төрөөбүт кырыһын тапртыырга үөрэтии уонна уһуйуу биһиги сорукпут. Былыр былыргыттан оҕону иитиигэ киниэхэ төрөөбүт норуотун тыынын инэрэргэ кыһаналлар. Оччоҕо ыччат норуотун таптыыр иэйиигэ иитиллэр. Үйэлэр тухары олох олуурдарынан – моһуурдарынан бэрэбиэркэлэммит үүнэр көлүөнэни иитэр үтүөкэннээх үгэс фольклорга, сахалыы ырыаҕа – тойукка оҕону уһуйуу буолар.

Үлэ актуальноһа: оҕоҕо сахалыы тыыны иҥэрии, ол аата киһилии киһи буолар суолга үктэннэрии.
Үлэ сонуна: Оһуохайы, чабырҕаҕы, олонхону уонна хомуһу тардыыны дьүөрэлии тутан үөрэтии буолар.
Сүрүн сыала: Оһуохайы, чабырҕаҕы, олоҥхону толоруу, хомуһу тардыы ньымаларыгар сатабылы иҥэрии.
Сүрүн соруктар: кэрэҕэ уһуйуу, оҕолорго оһуохайдыыр, олоҥхолуур, чабырҕахтыыр дьоҕурдарын уһугуннарыы, баҕаларын күөдьүтүү, итиэннэ хомуһу тардыы ньымаларыгар үөрэтии буолар.

Үлэ түмүгэ:
Кэрэ5э уһуйуу: куруһуокка дьарыктанан оҕолор хомуһу тардар, чабырҕах, оһуохай этэр, олоҥхолуур ньымаларга үөрэнэллэр
Фольклорнай бөлөҕү тэрийии. Биирдиилээн, бөлөҕүнэн үлэлии үөрэнэллэр
Айар тэрээһиннэргэ кыттыы. Сыл устата кылааска, оскуолаҕа, улууска