Знакамітыя людзі нашага аграгарадка Рэпля

Нарадзілася 1 мая 1938 у вёсцы Сінявічы Мастоўскага раёна. Да 1961 года працавала звеньявой па вытворчасці тэхнічных культур. Да 1964 года вучылася ў Магілёўскай савецкай партыйнай школе, дзе набыла прафесію агранома. 4 гады працавала ў нашай гаспадарцы аграномам, а з 1969г. - загадчык вытворчага ўчастка па 2002г. калгаса імя Леніна. Узнагароджана ордэнам Леніна, ордэнам Працоўнага Чырвонага Сцяга і юбілейнымі медалямі.
Каханская
Марыя Фёдараўна

Рэйшаль
Віктар Сцяпанавіч
Нарадзіўся 10 красавіка 1942г. у вёсцы Петрашэўцы Ваўкавыскага раёна. Працаваў 40 гадоў у калгасе імя Леніна механізатарам. Уся самая цяжкая і адказная праца была ўскладзена на яго аднаго. Кажуць, што гэты чалавек любіць сваю родную зямлю і таму ўсе работы на ёй выконвае добрасумленна. Вельмі адказны чалавек. На пенсію пайшоў у 2007г. Узнагароджаны ордэнам Леніна, ордэнам Працоўнага Чырвонага Сцяга і юбілейнымі медалямі.

Іваноўскі
Мікалай Пятровіч
Нарадзіўся 2 студзеня 1952г. у вёсцы Пачуйкі. Вучыўся ў Гудзевіцкай сярэдняй школе. У 1969г. паступіў у Гродзенскае вучылішча хімікаў, працаваў на хімкамбінаце ў г. Гродна.
Пражываў у Рэплі. Сёння Мікалай Пятровіч жыве на сваёй малой радзіме – у вёсцы Пачуйкі. Самабытны паэт, аўтар зборнікаў “Нашчадкі роду Іваноўскіх” (2015г), “Пяром і сэрцам” (2017г.), “Сцяжынкамі дзяцінства”, “Загадкі на ўсе выпадкі” (2018г.), “Кроплі расы”, “Вострым зрокам” (2020г.)

Ашмяна
Антон Станіслававіч
Нарадзіўся 7 ліпеня 1956г. У вёсцы Навасёлкі Ваўкавыскага раёна. З 1974года працаваў у калгасе імя Леніна механізатарам. Працоўны стаж - 38 гадоў.
За гады працы ў калгасе паказаў сябе сумленным грамадзянінам сваёй краіны. Доўгі час займаўся выхаваннем маладога пакалення механізатараў.
Узнагароджаны ганаровымі граматамі за высокія паказчыкі ў працы (1988 г., 1999 г., 2000 г., 2002 г., 2003 г.), дыпломам Ваўкавыскага райвыканкама за добрасумленную працу 2005 г., падзячным лістом (2002 г., 2006 г., 2009 г.)

Дулуб
Алег Сцяпанавіч
Нарадзіўся 18.12.1975 года. У першы клас пайшоў ў 1982 годзе ў Гудзевіцкую агульнаадукацыйную школу Мастоўскага раёна і скончыў яе ў 1992 годзе. Цяпер жыве ў вёсцы Рэпля, працуе трактарыстам. Узнагароды: 2000 г. - дыплом за 2 месца ў раённым конкурсе па ўборцы збожжавых, за 3 месца «Лепшы фермер», 2001г. - дыплом за 1 месца ў раённых спаборніцтвах маладых брыгад па ўборцы збожжавых, дыплом за 1 месца «Лепшы фермер», 2002 г. - дыплом за 1 месца ў раённых спаборніцтвах па ўборцы збожжавых, 2003 г. - дыплом за 1 месца ў раённых спаборніцтвах па ўборцы збожжавых, 2004 г. - дыплом за 1 месца па ўборцы збожжавых, 2 месца сярод маладых брыгад на ўборцы збожжавых. рэспубліканскія святы ўраджаю, 2005 г. - дыплом за 2 месца па зборы збожжавых культур.