Лексикологияны текрарлав

Дерснинъ типи: пекитюв дерси
Талим формасы: иджадий дерс

ДЕРСНИНЪ МАКЪСАДЫ:
Окъутув макъсады: : лексикологиядан талебелернинъ бильгилерни пекитмек.
Тербиевий макъсат: табиаткъа, эмекке севги ашламакъ.
Инкишаф этиджи: талебелернинъ фааль лугъат байлыкъларыны зенгинлештирмек ве нутукъларны, эстетик дуйгъуларыны инкишав этмек; мустакъиль, фааль чалышмагъа, фикир этмеге огретмек.

ПЛАНЛАШТЫРЫЛГЪАН НЕТИДЖЕЛЕР:
Фен боюнджа:
Бильмек: синоним, антоним ве омонимлер анъламларыны , аляметлерини
Япа бильмек: инсан аятында ана тилимизнинъ туткъан ерини. джумлелерде синоним, антоним ве омнонимлерни къайд этмек ве догъру бельгилемек.
Шахсий: ана тилининъ ерини биринджи ерге котерюв; озь тувгъан тилимининъ эмиетини анъламакъ ве бельмек; ана тилинде сербест тюшюнмек, лаф этмек кереклигини дуймакъ.
Фенлерара: озь фикирлерини толу ве тавфсилятлы джевап бермек; окъулгъаныны анълап, суаллерге догъру джевап бермек.

Талим усуллары: сёз усулы(субет), амелий ( мешгъулиетлер), корьгезме усулы,группаларда иш
Донатма: интерактив тахта, презентация, джедвель , таркъатма материал, ресим

ОЮН «АКИСИНИ АЙТ»
Етишмеген сёзлерни къошунъыз.
Мен санъа якъын десем,
Сен манъа …дейсинъ.
Мен санъа кенъ десем,
Сен манъа … дейсинъ.
Мен санъа алчакъ десем,
Сен манъа … дейсинъ.
Мен санъа дюльбер десем,
Сен манъа … дейсинъ.

Якъын – узакъ
Кен – тар
Алчакъ – юксек
Дюльбер – чиркин
Сёзлер насыл мананы ифаде этелер?
Бойле сёзлерге насыл сёзлер дерлер?

АНТОНИМЛЕР – КЪАРАМА - КЪАРШЫ МАНАЛЫ СЁЗЛЕР.

КЪАВУСЛАР ИЧИНДЕКИ СЁЗЛЕРДЕН КЕЛИШКЕН СОЮНЫ КЪОШУП ЯЗЫНЪЫЗ.
Голь ( бузлады, ушюди )
Къокъу буруныма ( котекледи, урды )
(Юрек, къальп) хасталыгъы.

СИНОНИМЛЕР – АЙТЫЛУВЫ ВЕ ЯЗЫЛУВЫ БАШКЪА, АММА МАНАЛАРЫ БИР Я ДА БИР- БИРИНЕ ЯКЪЫН ОЛГЪАН СЁЗЛЕР.

ОКЪУНЪЫЗ ВЕ КЪАЙД ЭТИЛЬГЕН СЁЗЛЕРНИНЪ МАНАЛАРЫНЫ АНЪЛАТЫНЪЫЗ.
1.Япракъта ешиль бакъа
Къакъылдап, манъа бакъа.
2.Саба эвден эрте чыкъ
Орталыкъта йылтырай чыкъ.
3.Бу омюрде чокъча куль
Зулум янып, олур куль.

ОМОНИМЛЕР – АЙТЫЛУВЫ ВЕ ЯЗЫЛУВЫ БИР, АММА МАНАЛАРЫ БАШКЪА-БАШКЪА СЁЗЛЕР.

I ГРУППА
Бахшыш.
Бундан учь йыл огюнде,
Азбарымыз четинде,
Сачтым алма фиданы,
Бакътым – осьтюрдим оны.
Алмалары сары, ал,
Эр бири Дей: «Мени ал!»
Далыны тепрете ель,
Алмагъа узатам эль,
Терек эгиле, манъа
Дей: «Чокъ тешеккюр санъа!
Алмаларым джый да ал!
Пек татлыдыр, дерсинъ бал.»
( Иса Абдураман)
Кенар, апте, ушюмек, апай, сайгъы, чет, нур, бита, тата, енге, урьмет, къартана, бузламакъ, дуду, сес, сатыр, давуш, сыра, къадын, шавле.
Яхшы достнынъ файдасы тиймесе де, зарары да тиймез.
Чокъ динъле, аз сёйле.
Токъ ачнынъ къадрине етмез.
Къасевет олмаса, къуванч да олмаз эди.
Кельгенни къувма, кеткенни тутма.

I ГРУППА
Бахшыш.
Бундан учь йыл огюнде,
Азбарымыз четинде,
Сачтым алма фиданы,
Бакътым – осьтюрдим оны.
Алмалары сары, ал,
Эр бири Дей: «Мени ал!»
Далыны тепрете ель,
Алмагъа узатам эль,
Терек эгиле, манъа
Дей: «Чокъ тешеккюр санъа!
Алмаларым джый да ал!
Пек татлыдыр, дерсинъ бал.»
( Иса Абдураман)

Кенар, апте, ушюмек, апай, сайгъы, чет, нур, бита, тата, енге, урьмет, къартана, бузламакъ, дуду, сес, сатыр, давуш, сыра, къадын, шавле.

Яхшы достнынъ файдасы тиймесе де, зарары да тиймез.
Чокъ динъле, аз сёйле.
Токъ ачнынъ къадрине етмез.
Къасевет олмаса, къуванч да олмаз эди.
Кельгенни къувма, кеткенни тутма.

ЭВГЕ ВАЗИФЕ.