Телекөрсетілім журналистикасы

Телекөрсетілім функциялары:
1.Ақпараттық;
2.Әлеуметтік-басқарушылық;
3.Рекреативтік ;
4.Интегративті;
5.Ұйымдастырушылық;
6.Мәдени-ағартушылық;
7.Білім берушілік.

Ақпараттық функция – дәл уақытында әлемнің кез келген түкпірінен жаналықтарды алуға мүмкіндік береді.Оған телеарналар ұсынатын жаңалықтар кіреді. Мысалы, 31 арна жаңалықтары «Информбюро» немесе «КТК», «Қазақстан», «Астана» сияқты арналардың «Кешкі жаңалықтары». Олардың бір-бірінен айырмашылығы: арналардың қай бағытта жұмыс істейтіндіктеріне байланысты. Мысалы, «Қазақстан» телеарнасы «Ұлттық» телеарна болып есептелінеді.

Рекреатив (лат. Recreatio – қалпына келу) – адамның күні бойы жоғалтқан күш қуатын қалпына келтіру. Ойын-сауықтық және көңіл-ашар бағдарламалар жатады. Мысалы, «Жайдарман» ойыны. Тек жақсы көңіл-күй сыйлап қана қоймай, жақсы әсер қалдырады.

Рекреативті функцияға
«Жұлдыздар жарқырайды», «Ән шашу», «Опера және балет» сынды бағдарламалар кіреді.

Интегративті функция – адамзатқа тән құндылықтарды насихаттайды. Аяқ жетпесе де, көзбен көруге мүмкіндік алуға болады. Мысалға «Бүк пен шік», «Жиһангез», «Шарайна» т.б.

Ұйымдастырушылық функциясы – қоғамды бір іске жұмылдыру (қайырымдылық жасау үшін немесе митингке шығу үшін) мақсатында қызмет атқарады. Мысалы «Аялы алақан», «Алтын жүрек», «Шетелдегі қазақ балалары».

Мәдени-ағартушылық бағытта жұмыс істейтін арналар тарихи деректерді немесе деректі фильмдерді көрсетеді. Мысалы «Алтын көмбе», «21 ғасыр көшбасшысы», «Телевикторина».

Білім берушілік функциясы – адамның ой-өрісін кеңейту мақсатындағы бағдарламалар желісі. Оған біз History Channel арнасын жатқыза аламыз.