İnformasiya texnologiyaları və idarəetmə. Qrafiki rejim. Sadə qrafiki proqramlar

Qrafiki rejim
Sadə qrafiki proqram
C dilində qrafiki proqram «sendviç» strukturuna bənzəyir.

Şəkillərin çəkilməsi üçün xüsusi pəncərə açan sadə proqram tərtib edək:
Qrafiki funksiyalardan istifadə etmək graphics.h başlıq faylını qoşmaq lazımdır.
Initwindow funksiyası şəkil çəkmək üçün əlavə pəncərə açır. Mötərizədə piksellərlə pəncərənin enini və hündürlüyünü göstərmək lazımdır.
Closegraph funksiyasının köməyilə qrafiki rejim dayandırılır.

Nöqtələrin koordinatları:
Ekranda şəkil çəkmək üçün koordinatları təyin etməyi bacarmaq lazımdır.
Koordinatların başlanğıcı, yəni (0,0) nöqtəsi pəncərənin sol yuxarı küncündə yerləşir.
Riyazi koordinat sistemindən fərqli olaraq X oxu sağa, Y oxu isə aşağı istiqamətləndirilib.
İstənilən nöqtə üçün x koordinatı – pəncərənin sol, y koordinatı isə yuxarı sərhədinə kimi məsafədir.

RƏng
16 standart rəng üçün ədədi və simvolik işarələr təyin olunub:

Bundan əlavə, bütün rəng palitrasından istifadə etmək olar (True Color rejimi, təbii rəng). Bu halda istənilən rəng 3 komponentdən ibarət olur: qirmızı (R), yaşıl (G) və göy (B). Rəngin hər komponenti 0 – 255 aralığında dəyişən tam ədəddir (cəmi 256 variant). Beləliklə RBG kombinasiyası üçün 2563=16777216 rəng alınır. Rəngləri vermək üçün COLOR funksiyasından istifadə edilir. Bu funksiyanın 3 parametri var. Onlar R, G, B rənglərinin intensivliyini təyin edirlər və mötərizədə vergüllə ayrılmış yazılırlar. Məsələn, bəzi rəngləri belə təyin etmək olar:

setcolor funksiyası xətlərin rəngini təyin edir:
Bu əmrdən sonra çəkilən bütün xətlər, düzbucaqlar, çevrələr və s. açıq yaşıl rəngli olacaqdır. Bu funksiya rəngi rəng palitrasından da götürə bilər:
Şəkil çəkmək üçün açılmış pəncərə ağ rəngdə olur.
Ayrı-ayrı piksellərlə işləmə:
Şəkil çəkmək üçün standart funksiyalardan istifadə edilir. putpixel funksiyasından istifadə edərək hər piksel üçün onun rəngini vermək olar:
getpixel funksiyası vasitəsi ilə pəncərədə yerləşən istənilən pikselin rəngini təyin etmək olar.

Xətlər
Parçanı line əmri vasitəsi ilə çəkmək olar:
Parçanı başqa üsulla çəkmək olar. Əvvəlcə moveto əmrindən istifadə edərək kursoru (x1,y1) nöqtəsinə gətirmək, sonra isə lineto əmri vasitəsi ilə (x2,y2) nöqtəsinə qədər parça çəkmək:
lineto əmrindən sonra kursor növbəti (x2,y2) nöqtəsinə keçir. Qırıq xətlərin çəkilməsində bu əmrdən istifadə etmək daha əlverişlidir:

Düzbucaqlar
Düzbucağı çəkmək üçün iki qarşı bucağın koordinatlarını vermək lazımdır (adətən sol yuxarı və sağ aşağı bucaqlar seçilir). Konturun rəngi setcolor funksiya vasitəsi ilə təyin olunur, düzbucağın özü isə rectangle əmri vasitəsi ilə çəkilir.
Rəngli düzbucağı çəkmək üçün bar əmrindən istifadə edilir. Rəngi və rəng çəkilməsinin üslubunu (ing. fill style) təyin etmək üçün setfillstyle funksiyasından istifadə etmək lazımdır.
setfillstyle funksiyasının 2 parametri var. Birinci parametr rəng çəkmə üslubunu, ikinci parametr isə rəngi təyin edir.

Çevrəni çəkmək üçün circle funksiyasından istifadə edirlər:
circle funksiyasının üç parametri var: birinci iki parametr mərkəzin koordinatlarıdır, üçüncü parametr isə - radiusdur. Parametrlər kimi ədədlər, dəyişənlərin adları və ya cəbri ifadələr ola bilər:
Çevrə

Bəzən ixtiyari çəkilmiş fiquru rəngləmək lazım gəlir. Bunu floodfill funksiyası vasitəsi ilə etmək olar:
Fiquru rəngləmək üçün onun daxilində istənilən nöqtənin (x,y) koordinatlarını bilmək lazımdır. Bundan başqa, fiqurun sərhədi bir rəngli və kəsilməz olmalıdır. Sərhədin rəngi floodfill funksiyasının axırıncı parametridir.
İxtiyari oblastın rənglənməsi:

outtextxy funksiyası pəncərənin istənilən yerində yazını çıxartmağa imkan verir. Bu funksiyaya yazının yuxarı sol küncünün (x,y) koordinatlarını vermək lazımdır. Yazının rəngi setcolor funksiyası ilə tənzimlənir:
Yazılar

Proqram nümunəsi
Standart qrafiki funksiyalardan istifadə edərək evcik çəkən bir proqram yazaq.