Конфуцийшілдіктің басты принциптері
Басты ұстанымдары: 1. Жэнь ұстанымы – (адамды сүю) – Конфуцийлік этиканың басты ұстанымы болып табылады. Конфуций: “Жэнь бұл – адамдарға деген сүйіспеншілік” (12.22) деген екен. Жэнь бұл – “адамның табиғи түйсіну сезімі, бірақ ол білімнің арқасында мәдениеттендіріліп, өркениетті нәрсеге айналды”. Жэнь – моральдық мұрат және тәрбие мақсаты. Жэнь ұстанымы: “Өзіңе қаламайтынды, басқаға жасама” 2. Ли ұстанымы – (“салтанат, рәсім, әдет – ғұрыптар, сыпайылық, жақсы мәнерлер”) – қоғамдық мораль мен өмірдің жиынтығын, мінез – құлықтың қоғамда қабылданған формаларын білдіреді. Ли – қоғамдық дамуыдың және әдет – ғұрыптардың дамуының нәтежиесі ретінде де анықталады. Конфуцийдің “Ли” ұғымына берген анықтамасы: “бұрынғы өткен замандар даналарының халықтың санасын ояту және қоғамдық тәртіп орнату үшін ойлап тапқан ерекше әлеуметтік жаңашылдықтары” Конфуцийдің пайымдауынша “жеке тұлға” шектеліп қалған адам емес, керісінше, ол басқа тұлғалармен бірлесіп өмір сүреді. “Ли” дәл осы адами қатынастарды сипаттайды. 3. Сяо ұстанымы – (ұл мен қыздың ата – анасын құрметтеуі) – ата – анаға деген өркениеттік қарым – қатынас. Конфуций: “Жастар ата – аналарын құрметтеуге, ал үйден сырт жүргенде, үлкен адамдарға сый – құрмет көрсетуге, қандай іс болса да жауапкершілікпен қарауға, өз халқын сүйюге жіне адамгершілік қасиеті жоғары адамдарға жақын болуға тиіс. Егер осы істерді атқарғаннан кейін де олардың күш – қуаттары қалып жатса, онда оларды білім алуға жұмсаулары керек”. 4. Ди ұстанымы – бауырластық сезім, айналадағы адамдармен, замандастармен өркениетті қарым – қатынас жасау. 5. Чжун ұстанымы – (шын берілген сезім) – жоғары тұрған: билеушілерге, императорларға, қожайындарға, тіпті өз еліне өркениетті көзқарас.