Балакаев Алексей Гучинович (Балакан Алексей)

– Экм-эңкр теегм!
Эн-өгх хәрүм.
– Кен экчн? - гиhәд,
Кемр чамаг сурхла.

– Ээҗм-алдр Иҗл!
Эн-өгх хәрүм.
– Кен ээҗчн? – гиhәд
Кемр чамаг сурхла,
Волга

– Эцкм-күчтә Енисей!
Эн-өгх хәрүм.
– Кен эцкчн? – гиhәд
Кемр чамаг сурхла,

Бамб цецгәр бийим цуглад,
Бичкндм намаг тег саатулла,
Бат далваг цогцдм зүүлhәд,
Бүкл делкә кедхд йөрәлә.

Алдр Иҗл дууhан дуулад,
Алтн бадм цецгәhәрн угтла,
Аштнь үнн делгрүл гиhәд,
Альхндм сетрә билг атхулла.

Киитнәс тайга көнҗләрн ораһад,
Күчтә Енисей бийим хәәрллә,
Күдр, чаңһ, чиирг болһад,
Күчр, түрү диилдг дасхла.
Зима на Енисее