Иоаким Максимов-Кошкинский пурнăç çулĕ

Арăмĕ-Татьяна Степановна Максимова-Кошкинская
Хĕрĕ-Изида Иоакимовна Максимова-Кошкинская
Мăнуксем-Татьяна Петровна Градова, Андрей Петрович Градов

Максимов-Кошкинский Иоаким Степанович 1893 çулхи авăн уйăхĕн 14-мĕшĕнче, Тутарстанăн Теччĕ районĕнчи Кăнна Кушки ялĕнче çуралнă — «Чăвашкино» студин йĕркелевçи, режиссёрĕ, актёр, драматург, киносценарист, çыравçă, тăлмач. 1975 çулхи çурла уйăхĕн 30-мĕшĕ, Мускавра вилнĕ, Шупашкарта пытарнă.
СССР ÇП пайташĕ (1934 ç.), Чăваш АССР халăх артисчĕ (1933 ç.), РСФСР ӳнер тава тивĕçлĕ ĕçченĕ, ЧАССР ӳнер тава тивĕçлĕ ĕçченĕ.
Ленин орденне, Ĕçлĕх Хĕрлĕ Ялав орденне тивĕçнĕ.
Чĕмпĕрти чăваш шкулĕнче, Хусанти ӳнер училищинче вĕреннĕ. Иоаким Степанович чăваш театрĕпе киностудине йĕркелекенсенчен пĕри.
1918-1919 çулсенче Хусанта, 1920 çулта Шупашкарта пĕрремĕш спектакльсене лартнă. 1926-1932 çулсенче 7 илемлĕ тата документлă кинохайлав ӳкернĕ. 1932 çултанпа вăл каллех Чăваш патшалăх академи театрĕн ертӳçи вырăнне йышăннă.