Малькин Александр Степанович (1923 – 1976)

Малькин Александр Степанович – содаф мокшэрзянь поэт, прозаик.
Мокшэрзянь поэтсь, прозаиксь, СССР – нь писателень Союзонь членць (1956) А.С.Малькин шачсь 26 майста 1923-це кизоня Атюрьевскяй райононь кяшал велень ашу семьяса. Аделазе Темниковскяй училищать. Великай Отечественнай войнать пингста сон тюрсь гитлеровскяй захватчикнень каршес.

Войнать аделамда меле сон покодсь шачема велесонза учителькс, сяда меле ётась эряма Саранск ошу. Тяса А.С.Малькин покодсь Мордовскяй книжнай издательстваса редакторкс, «Мокша» журналть редакцияса.

Александр Малькин ульсь виде вайме ломанькс, ашезь машта кяжень кирдема, ялганди ваймоц панжадоль. Пяк кельгозе сергей Есенинонь поэзиянц. Идькс пингста тушендсь мялезонза математикаське. Теенза нльне мярьгондсть пифогор. Математическяй олимпиадаса сяськиец ашель.

А.С.Малькин – поэтсь народнай. М.Безбородовда меле сонь лирикац – сембодонга валда тяште мокшень поэзияса. Поэзияц пяшксе лаказь лакай эрьгада, пичефкста и кенярдемада. Шачем ширенцты и сонь ломанензонды кельгомада. «Эше перяфкс ваксса» Малькин мзярдонга ашезь эря. Сон фалу тевсоль.

Тяштема народнай поэтсь ушедсь войнань кизода инголе. Васенце стихонза печатлафтольхть нинге 1937 кизоня. Эста сон аньцек-аньцек вешендезе эсь вайгяленц. Васенце сборникоц «Стихт» лиссь 1948-це кизоня. Сяда меле мокшень кяльса лиссть книганза «Ялгань вал» (1952), «Славань киге» (1956), «Кельгома стирти» (1959), «Мода» (1960), «Саша» (1960), «Раднят» (1962), «Лямбе пильгокит» (1968), «Панжадонь седихть» (1973). Тя произведениятнень эса оцю васта занци военнай тематикать няфтемац.

Рузонь кяльса сёрматф произведениянза и кочкаф произведениянза.

А.Малькинонь награданза.
Казьф Якстерь звездань орденца, кафта боевой медальса.

Кулось А.С.Малькин 28 майста 1976 кизоня, калмаф Кяшал шачема велесонза.

А.С. Малькинонь аф юкснесазь.

Кяшал велень школать инголе А.С.Малькинонь бюстоц.

Школась, коса тонафнесь А.С.Малькин каннесы лемонц.

А.С.Малькинонь колга лямбе валхт.
Крестьянинонь ашу семьяса
Кассь-венемсь мазы цёраня.
Сон эшелякшнесь ляйняса
И морсесь кайги моронят…
Сон видешинкса фалу тюрсь,
Савсть стака китне кялемс.
Сон кельгома поэтокс ульсь,
Лядсь ломаненьконь мялямс.
(Д. Абрамов)