Номан Челебиджихан

Номан Челебиджихан акъкъында
къыскъа малюмат
Халкъымызнынъ садыкъ эвляды,
буюк сиясий эрбап Номан Челебиджихан 1885 с.
Ибраим Челебининъ къорантасында дюньягъа
кельди.Челебиджиханнынъ догъгъан Буюк
Сонакъ кою о вакъыт Къырымнынъ Ор уездине
(шимдики Джанкой районы) бакъа эди.

1917 сенеси Номан Челебиджихан Къырым муфтиси ве сонъра
Къырым мусульман Иджра Комитетининъ реиси оларакъ сай-
ланды. Укюмет башында олгъанда,миллетимизнинъ вазиетини
бус-бутюн денъиштирмек ве миллий медениетимизни
инкишаф эттирмек ичюн буюк гъайрет ве себат косьтерди.

Тюркиедеки ичтимаий-сиясийфаалиети
1906 сенеси Истанбулгъа кете. Мында о, Мерджан орта мектебинде,сонъра
къадылар азырлагъан мектепте бильгисини арттыра.
Тюркиеде окъугъан сенелери Номан Челебиджихан халкънынъ азатлыгъы
огърунда миллий курешке атлана.Тюркиеде тасиль алгъан къырымтатар
талебелерининъ «Къырым талебе джемиети»(1908), «Ватан джемиети»(1909)
киби тешкилятларыны мейдангъа кетире ве оларгъа реислик япа. Бу сене-
лери Челебиджиханнынъ бильгиси арта,ёлбашчылыкъ истидады къавий-
леше.
Истанбул университетини аля бааларнен битирген Номан Челебиджихан
зеининде къавий шекилленген миллийгъаелер иле 1912сенеси Къырымгъа
къайта.

Ант эткенмен, татарларнинъ ярасыны сармагъа,
Насыл болсун бу заваллы къардашларым чюрюсин?
Онлар ичюн окюнмесем, къайгъурмасам, яшасам,
Юрегимде къара къанлар къайнамасын, къурусын!
Ант эткенмен, шу къарангъы юрткъа шавле сепмеге,
Насыл болсун ики къардаш бир-бирини корьмесин?
Буны корип бувсанмасам, мугъаймасам, янмасам,
Козьлеримден акъкъан яшлар дерья-денъиз къан болсун!
Ант эткенмен, сёз бергенмен бильмек ичюн ольмеге,
Билип, корип миллетимнинъ козьяшыны сильмеге.
Бильмей, корьмей бинъ яшасам, къурултайлы хан болсам,
Йине бир кунь мезарджылар келир мени коммеге.
Номан Челебиджиханнынъ «Ант эткенмен»
шиири шимди халкъымызнынъ миллий
гимнидир.