Ты не згаснеш, ясная зараначка…. Максім Багдановіч (1891-1917гг.)

МАЛЕНЬКІ МАКСІМ З МАЦІ
МАКСІМ БАГДАНОВІЧ НАРАДЗІЎСЯ
9 СНЕЖНЯ 1891 ГОДА

РАННІЯ ДЗІЦЯЧЫЯ ГАДЫ МАКСІМ БАГДАНОВІЧ ПРАВЁЎ У ГРОДНЕ (1892-1896)
МАКСІМ БАГДАНОВІЧ СА СВАІМІ БРАТАМІ І ЦЕТКАЙ АЛЯКСАНДРАЙ АПАНАСАЎНАЙ

БАЦЬКА ПАЭТА - АДАМ ЯГОРАВІЧ БАГДАНОВІЧ – НАВУКОЎЦА, ДАСЛЕДЧЫК, ФАЛЬКЛАРЫСТ, ЭТНОГРАФ І МОВАЗНАЎЦА. СЯРОД НАВУКОВАЙ СПАДЧЫНЫ А.БАГДАНОВІЧ АСАБЛІВАЕ ЗНАЧЭНЕЕ МАЕ ЯГО ДВУХТОМНАЯ МАНАГРАФІЯ ‹‹МОВА ЗЯМЛІ:УТВАРЭННЕ ВОДАРЭЧНЫХ ІМЁНАЎ І ТЫХ, ЯКІЯ АД ІХ УТВАРАЮЦЦА››
А.Я. Багдановіч

У 1888 ГОДЗЕ АДАМ БАГДАНОВІЧ УЗЯЎ ШЛЮБ З МАРЫЛЯЙ МЯКОТАЙ- ДАЧКОЙ ГУБЕРНСКАГА САКРАТАРА, НАГЛЯДЧЫКА ІГУМЕНСКАЙ ПАВЯТОВАЙ БАЛЬНІЦЫ, ГАНАРОВАГА ДВАРАНІНІ АПАНАСА МЯКОТЫ. ЯЕ СМЕРЦЬ АД СУХОТАЎ ВА ЎЗРОСЦЕ 27 ГАДОЎ У КАСТРЫЧНІКУ 1896 ГОДА СТАЛА КАТАСТРОФАЙ ДЛЯ СЯМ’І. СТРАТА МАЦІ ДЛЯ МАКСІМА СТАЛА СТРАТАЙ РАДЗІМЫ: У ЛІСТАПАДЗЕ 1896 ГОДА СЯМ’Я ПЕРАЕХАЛА Ў НІЖНІ НОЎГАРАД.
МАРЫЯ АПАНАСАЎНА БАГДАНОВІЧ (МЯКОТА)

ЖЫВЕ І ВУЧЫЦЦА Ў НІЖНІМ НОЎГАРАДЗЕ (1896-1908) І ЯРАСЛАЎЛІ (1908-1916)
МАКСІМ БАГДАНОВІЧ -ГІМНАЗІСТ

МАКСІМ БАГДАНОВІЧ СЯРОД ГІМНАЗІСТАЎ-АДНАКЛАСНІКАЎ

У 1907 ГОДЗЕ Ў ГАЗЕЦЕ ‹‹НАША НІВА›› З’ЯВІЎСЯ ПЕРШЫ ДРУКАВАНЫ ТВОР МАКСІМА БАГДАНОВІЧА ‹‹ МУЗЫКА ››. АПАВЯДАННЕ – СВОЕАСАБЛІВЫ ТВОРЧЫ МАНІФЕСТ ПАЭТА. У ХУТКІМ ЧАСЕ БЫЛІ НАДРУКАВАНЫ ТВОРЫ ‹‹ ПРЫЙДЗЕ ВЯСНА ››, ‹‹ НОЧ ››, ‹‹ НА ЧУЖЫНЕ ››, ‹‹ НАД МАГІЛАЙ ››

АЎТОГРАФ ВЕРША МАКСІМА БАГДАНОВІЧА
19 ЖНІЎНЯ 1911 Г.

У 1911 Г. ПЕРАД ПАЧАТКАМ ВУЧОБЫ У ДЗЯМІДАЎСКІМ ЮРЫДЫЧНЫМ ЛІЦЭІ Ў ЯРАСЛАЎЛІ НАВЕДАЎ БЕЛАРУСЬ. БЫЎ У ВІЛЬНІ, КАЛЯ ДВУХ МЕСЯЦАЎ ПРАВЁЎ У ФАЛЬВАРКУ РАКУЦЁЎШЧЫНА. ЯГО ЗАПРАСІЛІ СУПРАЦОЎНІКІ ‹‹НАШАЙ НІВЫ›› ІВАН І АНТОН ЛУЦКЕВІЧЫ

НЕПРАЦЯГЛЫ ЧАС ЗНАХОДЗІЎСЯ БАГДАНОВІЧ У ВІЛЬНІ – ПА ДАРОЗЕ Ў РАКУЦЁЎШЧЫНУ І НАЗАД. АЛЕ ВАРТАСЦЬ ГЭТЫХ ДЗЁН ЦЯЖКА ПЕРАААЦАНІЦЬ. СУСТРЭЧА З СЯБРАМІ ПА ЛІСТАВАННІ, РАЗМОВЫ З ІМІ, ЗНАЁМСТВА З ВЫДАТНЫМІ ЗБОРАМІ КАЛЕКЦЫІ ІВАНА ЛУЦКЕВІЧА – БЕЛАРУСКІМІ АБРАЗАМІ, РАЗЬБОЙ ПА ДРЭВЕ, РУКАПІСАМІ І СТАРАДРУКАМІ, ПЯЧАТКАМІ БЕЛАРУСКІХ КНЯЗЁЎ, ЗНАКАМІТЫМІ СЛУЦКІМІ ПАЯСАМІ ДЫ ІНШЫМІ ЭКСПАНАТАМІ

ВІЛЬНЯ ЎРАЗІЛА ПАЭТА, ЁН ЗАХАПІЎСЯ І КАСЦЁЛАМ СВ. ГАННЫ, І ВУЛКАМІ, ПРА ЯКІЯ СКАЗАЎ НЕ Ў АДНЫМ СВАІМ ВЕРШЫ З НІЗКІ ‹‹МЕСТА››

РАКУЦЁЎСКІ ТВОРЧЫ ‹‹ДАРОБАК›› – ГЭТА ДВА ЦЫКЛЫ ВЕРШАЎ ‹‹СТАРАЯ БЕЛАРУСЬ›› І ‹‹МЕСТА››, А ТАКСАМА ДЗВЕ ПАЭМЫ ‹‹ВЕРАНІКА›› І ‹‹У ВЕСЦЫ›› (ЦЫКЛ ‹‹МАДОННЫ››), ПРЫСВЕЧАНЫ ГАННЕ РАФАІЛАЎНЕ КАКУЁВАЙ

У КАНЦЫ 1913 Г. Ў ВІЛЬНІ ВЫДАДЗЕНА АДЗІНАЯ ПРЫЖЫЦЦЕВАЯ КНІГА ПАЭТЫЧНЫХ ТВОРАЎ МАКСІМА БАГДАНОВІЧА ‹‹ВЯНОК››. ‹‹ВЯНОК›› – ГЭТА ПРАЎДЗІВАЯ ПЭРЛА Ў БЕЛАРУСКАЙ ПАЭЗІІ. РАЎНАВАЦЬ М.БАГДАНОВІЧА НІ З КІМ НЕ БУДЗЕМ: НЕ ЗАТЫМ, ШТО НІМА ЛЕПШЫХ ЗА ЯГО ПАЭТАЎ (БО ТАКІЯ ЁСЦЬ), АЛЕ ЗАТОЕ, ШТО НЕІПАДОБНЫ ЁН НІ ДА КАГО, - ПІСАЎ АНТОН НАВІНА (А. ЛУЦКЕВІЧ)
ВІЛЬНЯ: ДРУКАРНЯ МАРЦІНА КУТЫ, 1913

У КАСТРЫЧНІКУ 1916 Г. ПАСЛЯ ЗАКАНЧЭННЯ ЮРЫДЫЧНАГА ЛІЦЭЯ, ВЯРНУЎСЯ НА БЕЛАРУСЬ У МІНСК, ДЗЕ ЎЛАДКАВАЎСЯ НА ПРАЦУ Ў ГУБЕРНСКІ ХАРЧОВЫ КАМІТЭТ. ПРЫМАЎ АКТЫЎНЫ ЎДЗЕЛ У РАБОЦЕ БЕЛАРУСКАГА КАМІТЭТА ДАПАМОГІ АХВЯРАМ ВАЙНЫ.

ЗДАРОЎЕ ПАЭТА ЗНАЧНА ПАГОРШЫЛАСЯ. У ЛЮТЫМ ТАВАРЫШЫ ПАСЫЛАЮЦЬ ЯГА НА ЛЯЧЭННЕ Ў ЯЛТУ. У АПОШНІЯ ДНІ СВАЙГО ЖЫЦЦЯ МАКСІМ БАГДАНОВІЧ ПРАЦУЕ НАД СКЛАДАННЕМ БЕЛАРУСКАНА ЛЕМАНТАРА. 25 МАЯ 1917 ГОДА МАКСІМ БАГДАНОВІЧ ПАМЁР АД СУХОТАЎ ВА ЎЗРОСЦЕ 25 ГАДОЎ

ГАДЗІННІК, ЯКІ АДЛІЧЫЎ АПОШНІЯ ХВІЛІНЫ ЖЫЦЦЯ МАКСІМА БАГДАНОВІЧА Ў ЯЛЦЕ.

МАГІЛА ПАЭТА Ў ЯЛЦЕ