Видечинь толонь кирвазтиця: Иван Николаевич Прончатов (1918-2000)

Прончатов Иван Николаевич
(1918-2000)
И.Н.Прончатов чачсь 1918 иень мартонь 18-це чистэ Ицял буень Ламбаське велесэ, служащеень семиясо. Тонавтнесь эсензэ велесэ сисем иень школасо, 1934 иестэ мольсь тонав-тнеме Саранскоень педагогической техникумов, косо ушодызе литературань кинзэ. Васенце стихензэ лиснесть «Пионерэнь вайгель» журналсо. Педтехникумонть прядомадо мейле ушодсь тонавтнеме Мордовской государственной педагогической институтсо, ансяк стака эрямодонть савсь кадомс тонавтнеманть. Аламос важодсь велень школасо учителекс.
1949 иестэ сон прядызе пединститутонь филологиянь факультетэнть, мейле А.М.Горькоень лемсэ Литературань институтонь аспирантуранть.
Писателенть од шказо ютась Ине Отечественной войнань фронтсо. Ютызе весе войнанть, ульнесь артиллеристэкс, разведчикекс, зярыяксть ранязель. Тюремань кинзэ прядызе Прагасо. Казезь Отечественной войнань 2-це степенень орденсэ, ламо медальсэ.
1946 иестэ велявтсь кудов. Важодсь «Эрзянь правда» газетань собкорокс, Мордовской книжной издательствань редакторокс, партиянь областной ко- митетэнь инструкторокс, «Резинотехника» заводсо робочеекс.

«Эрзянь мастором, чачи-модам, вечктян мон тонь,
аздангак кода…»

Васень цвет : [валморот]. – Саранск : Мордовской государственной издательствась, 1939. – 40 с.
«Васень цвет»
И. Прончатовонь васенце валморонь пусмозо. Эйсэнзэ весемезэ 15 валморот. Ловныцятнень мельс тукшность «Лисян веть лей чирес», «Весь солы….», «Валскень валдось умаринас ваясь…» ды лият.
Кода се шкань ламо сёрмадейтне поэтэсь шнась пертьпельксэнть мазычинзэ, эрямонть паро ёнксонзо.

Стройсэ : [валморот]. -
Саранск : Мордовской государственной
издательствась, 1950. – 124 с.
«Стройсэ» омбоце пусмосонть комсьветее валморот. «Веть блиндажсо», «Врагонь солдат латко потмакссо…», «Боецтнэнень посылкат састь…», «Баславазь ки», «Родной оят», конатнесэ поэтэсь ледстни эрямосонзо сехте стака шкадонть – ятонть каршо тюремадо.
Пусмонтень совасть зярыя произведеният, конатнесэ невтеви войнадо мельга ломантнень важодемаст масторонть сюпалгавтоманзо кис. Те темась кепедезь – «Стройкасо», «Трактор», «Розь пакся» валморотнесэ

Пултазь велетнень куловост малава
Мольтяно минь.
Горянок пштикс сялгонить...
Шержев атят минек бойтнес баславасть
Ды невтсть тенек пожарсо чивалгомав
Стака арсевкст. А шка чудемс сельведнень...
Лецтневи тень: лондадозь кудо алдо
Вишка эйдень ушов лисевезь кеднесь,
Теке кармавтсь, эрьванть оймес энялдозь:
Родной боец, эсеть солдатонь кисэть,
Хоть теть сави весе стакатнень кандомс,
А шкастонь страшна куломам кисэ
Врагнень долконть теке питнесэ пандык!

Сэняжа : [валморот]. – Саранск : Мордовской книжной издательствась,
1967. – 72 с.
Учи пельденек шкась эрявикс вал,
Ансяк косто сон, эрявиксэсь, муемс?
Сонзэ вешнезь, а вейкесь толсо палсь,
Ваясь а вейке, сонзэ мельга уезь.
Учи пельденек шкась эрявикс вал,
А весть эцнинь кисэнзэ пуля алов.
Зярс – мейс мукшнынь мень-бути валонь палт,
Косо жо сонсь, сехте эрявикс валось?
Те валморосонть И. Н. Прончатов евтызе сехте эрявикс валонзо шкадонть, эрямодонть, панжизе эрзянь ломанень ойменть, тиринь обуцянь зэменть. «Сэняжа» пусмонть вельде теевськак республикань келес содавикс поэтэкс

Жернова : стихи. Баллады. – Саранск : Мордовское книжное издательство, 1971. – 88 с.
«Жернова» пусмось лиссь 1971 иестэ. Тесэ валморотнень рузонь кельс ютавтызь Виталий Юшкин, Борис Сиротин, Николай Илюхин ды лиятне.

На большом базаре
Старость продавали.
И давали мудрость
К старости впридачу.
Но, вздыхая, люди
Около стояли.
Молча отходили,
Деньги глубже пряча.
На большом базаре
Юность продавали.
И давали глупость
К юности впридачу.
Люди до копейки
Продавцу совали.
Уходя, не вспомнил
Ни один про сдачу.
(перевод В. Юшкина)

Иван Прончатовонь валморонзо печатавсть вейсэнь пусмонь ды журналонь лопатнень лангсо

Иван Николаевичэнь шкинемадо сёрмадови ламо литературоведческой изданиясо, справочниксэ, энциклопедиясо, научной книгасо

Васенце Прончатовской ловноматне
( Ицял буень, Ломбаське велесь, 2018 иесь)

Омбоце Прончатовской ловноматне
( Саран ош, Н. П. Огаревонь лемсэ МГУ-сь, 2019 иесь)