Юл йөрү кагыйдәләре буенча дидактик һәм хәрәкәтле уеннар

Максат: Балаларга юл билгеләрен өйрәтү, уен аша һәтердә ныгыту.
Бурычлар: Юл билгеләрен төрләре буенча танып белүне ныгыту һәм камилләштерү, балаларда игътибарлылык, уйлау, күзәтүчәнлек тәрбияләү.
Уен барышы: Балалар өч төркемгә бүленәләр, аларга киселгән юл билгеләре бирелә, беренче төркем – җәяүлеләр юлын; икенче төркем – велосипед юлын; өченче төркем – автобуслар тукталышын (остановка) җыялар. Кайсы төркем тизрәк җыя һәм аңлатып бирә.
“Киселгән юл билгеләрен җый”

“Светофор уены”
Максат: Балаларга светофор турында төшенчә бирү, уен аша светофорның сигналларын белүне ныгыту.
Бурычлар: Балаларда игътибарлылык, урамда, борылышларда, машина хәрәкәте урыннарында үз-үзеңне дөрес тоту кагыйдәләрен, светофорның яшел, кызыл, сары сигналлары турында белемнәрен ныгыту, кабатлау, фикерләү сәләтен үстерү.
Уен барышы: Балалар түгәрәккә басалар. Татар халык бию көе куела, тәрбияче яшел төс күрсәтә – балалар түгәрәк буйлап биеп баралар. Сары төс күрсәтә – урыннарда ббииләр. Кызыл төс күрсәтә – туктап калалар.

Максат: Транспорт төрләре турында төшенчә бирү: су, һава, җир транспорты.
Бурычлар: Транспортны кулланышы ягыннан аера белергә өйрәтү. Транспортның төп өлешләрен чагыштыра белү күнекмәләрен формалаштыру. Гомуми сөйләм күнекмәләрен, хәрәкәт һәм сөйләм координаөиясен камилләштерү.
Уен барышы: Балалар өч төркемгә бүленә, һәр төркемгә төрле транспорт рәсеме бирелә. Шул рәсемгә туры китереп беренче төркем – җирдә йөрүче транспортларны җыя, икенче төркем – һавада очучы транспортларны җыя, өченче төркем – суда йөзүче транспортларны җыя (балалар эше). Җыеп бетергәч һәр төркемнән нинди транспорт төре җыюларын әйтәләр һәм кара-каршы алыштырышалар.
“Транспорт төрләрен аер”