Прозалық шығарманы тыңдау, шығармада көтерілген жалпыадамзаттық мәселені айқындау

Мақсаты:
10.1.4.1-прозалық шығарманы тыңдау,
шығармада көтерілген жалпыадамзаттық мәселені айқындау;
10.1.6.1-көтерілген мәселе бойынша әртүрлі дерексөздерден алынған мәтіндерді тыңдау және салыстыру,өз көзқарасын аргументтер негізінде дәлелдеу.

Жаңа сөздер:
жүйке;жүйке жүйесі – нерв; нервная система
құмарлық – пристрастие; увлечение
есірткі – наркотики
ем – исцеление; лечение
айырылу – разлучаться; расставаться
арыл – избавляйся,освобождайся
душар; душар болу – натыкаться; подвергаться
(ауызша сөз тіркесі немес сөйлем құру.)

Құрмалас сөйлем дегеніміз - екі я одан да көп жай сөйлемнен құралып, күрделі ойды білдіретін сөйлем.
Жасалу жолдары:
Интонация арқылы байланысады: Сырбайдың қыш кесектен соққан үш бөлмелі үйі бар екен, соның біреуі қонақ жайына арналған екен.
Жалғаулық шылаулар арқылы байланысады: Сырбай қонақтарын сол далаға онша көңілді қалыппен басқарып апара жатқан жоқ, себебі биылғы егін шығымы әлсіздеу.
Құрмаластың құрамындағы жай сөйлемнің алғашқысының баяндауышы тиянақсыз тұлғада келіп, келесі жай сөйлеммен ұласып, құрмаласа байланысады: Құрымбайдың оқуға кетуі шын болса, ол өз ісін ойламаған жерден істеген екен.