срс

Жоспар
Кіріспе
Негізгі бөлім
Жалпы қағидалары
Медицина қызметкері және қоғам
Медицина қызметкері және пациент
Медицина қызметкерлерінің алқаластығы
Дәрігерлік құпия
Этикалық кодекс күшінің шегі, оны қайта қарау тәртібі және оны бұзу жағдайындағы жауапкершілік.
III.Қорытынды
IV. Пайдаланылған әдебиеттер

Кіріспе
Қазіргі заманда медбикенің медициналық көмек көрсетудегі маңызды рөлін назарға ала отырып, әрі медицина мен, денсаулық сақтау жүйесіндегі этикалық бастаманың үлкен мәнін дәстүрлі түрде есепке ала отырып, Қазақстан Республикасы денсаулық сақтау және әлеуметтік даму министрлігінің «Республикалық психиатрия, психотерапия және наркология ғылыми-практикалық орталығы» ШЖҚ РМК медбикелердің Халықаралық кеңесінің және Дүниежүзілік денсаулық сақтау ұйымының медициналық этика жөніндегі құжаттарын басшылыққа алып, осы Кодексті қабылдайды.

Жалпы қағидалар
Медицина қызметкерінің Этикалық кодексі (одан әрі - Кодекс) олардың лауазымдық міндеттемелерін жүзеге асыру барысындағы этикалық нормалар мен өзін ұстау тәртібі ұстанымдарының жиынтығы болып табылады.
Кодекс қағидалары «АМТГ»-«ПТА»АҚ филиалының барлық қызметкерлеріне міндетті болып табылады.

Медицина қызметкері мен қоғам
3. Медицина қызметкерінің ең басты мақсаты – адам өмірін сақтау, аурулардың алдын алу және денсаулығын қалпына келтіру, сондай-ақ емделмейтін ауруға шалдыққандар азабын жеңілдету. Медицина қызметкері өз міндеттерін Гиппократ анты, гуманизм және қайырымдылық ұстанымдарына сәйкес орындайды.
4. Медицина қызметкері өз шешімдері мен іс-әрекеттері үшін толық жауапкершілігін мойнына алады, сол үшін ол жүйелі түрде кәсіби шыңдалып отыруға міндетті.
5. Өз қызметінде медицина қызметкері өзіне таныс және пайдалануға рұқсат етілген медицина ғылымының соңғы жетістіктерін пайдалануға міндетті
6. Медицина қызметкерінің кәсіби шешіміне жеке басының пайдасы мен материалдық мүдделер әсер етпеуі тиіс.

7. Медицина қызметкері даярлаушы-фирмалар мен дәрі-дәрмек таратушылар ұсынған дәрілерді тағайындағаны үшін олардан сыйлық алуына болмайды.
8. Медицина қызметкері дәрі тағайындау барысында тек қана науқастың мүддесі мен медициналық көрсетілімдерді ескеруі тиіс.
9. Медицина қызметкері жасына, жынысына, ұлтына, діни сеніміне, азаматтығына, әлеуметтікжағдайына,саяси көзқарасына және басқа да медициналық емес факторларға сонымен қоса материалдық жағдайына қарамастан медициналық көмекті қажет еткен кез келген адамға көмектесуге міндетті.
10. Медицина қызметкері өзі жұмыс істейтін мекемеге байланысты өз жауапкершілігіне алған барлық міндеттемелерді адал орындауға міндетті.

11. Жас мамандар мен студенттерді оқытып жүрген медицина қызметкерлері өз міндетін орындауға көңіл бөлуі және тәртібі жағынан үлгі боларлық деңгейде болуы тиіс.
12. Медицина қызметкері қолжетімді құралдар (газет, журнал, радио, теледидар, әңгімелесу және т.б.) арқылы салауатты өмір салтын насихаттауға, сондай-ақ кәсіби этикалық және қоғамдық нормаларды ұстануда үлгі болуға міндетті.
13. Медицина қызметкері оның кәсіби қызметі мен пациенттерге зиян келтірмейтін, медицина қызметкерінің ар-намысын төмендетпейтін, кәсіби тәуелсіздігіне кедергі келтірмейтін басқа жұмыстармен айналысуына болады.
14. Медицина қызметкерінің жеке тәжірибемен айналысуы заңмен реттеледі.

15.Медицина қызметкері жұмысының қайырымдылық мақсаттары оның жеке қадір-қасиетін, жеткілікті деңгейде мүліктік қамтамасыз етілуін, кәсіби қызметін атқаруға жағдай жасауын заң жүзінде қорғауын талап етуге негіз бола алады.
16. Ұйымдастырылған формадағы наразылықтарға қатысу барысында медицина қызметкері өз қадағалауындағы пациенттерді қажетті медициналық көмекпен қамтамасыз ету міндеттемелерінен босатылмайды.
17. Медициналық этиканың ұстануын бақылауды медицина қызметкерінің тікелей жетекшісі жүзеге асырады.

Медицина қызметкері және пациент
Медицина қызметкері пациенттерге көрсетілетін медициналық көмектің сапасына жауапты. Өз жұмсында ол Қазақстан Республикасы заңдарын, іс жүзіндегі нормативтік құжаттарды (медициналық стандарттарды) басшылыққа алады, бірақ бұл ұйғарымдар аясында, аурудың ерекшелітері ескеріліп, әр жағдайда науқас мүддесі басшылыққа алынып тиімдірек ем, диагностика, алдын алу әдістері таңдалады. Қажет болған жағдайда медицина қызметкері өз әріптестерінің көмегін пайдалануға міндетті.

Медицина қызметкері пациентпен жұмыс істеуді басқа маманға тапсырып, одан бас тартуы мүмкіндігі келесі жағдайларда қарастырылған:
- егер өз құзыреттілігіне сенімсіз болса, қажетті көмек көрсету үшін керек техникалық мүмкіндіктер болмаса;
- бұл медициналық көмек дәрігердің адамгершілік ұстанымдарына қайшы келсе;
- дәрігер пациентпен терапиялық қызметтестік құра алмаса.

Медицина қызметкерінің алқаластығы
Өмір бойы медицина қызметкері оны кәсіби шеберлікке үйреткен адамға деген құрмет пен ризашылығын сақтап өтуге міндетті.
Медицина қызметкері медициналық қауымдастықтың абыройы мен асыл дәстүрлерін сақтауға міндетті. Медицина қызметкерлері бір-біріне құрмет пен мейірімділікпен қарауға міндетті.
Медицина қызметкері көпшілік алдында басқа медицина қызметкерінің кәсіби біліктілігіне сенімсіздік білдіруге немесе немесе беделін түсіруге құқығы жоқ.
Клиникалық қиын жағдайларда тәжірибелі медицина қызметкері тәжірибесі аз әріптестеріне сыпайы түрде көмек көрсетуі тиіс. Бірақ емдеу үдерісіне толық түрде емдеуші дәрігер жауапты, ол өз әріптестерінің ұсыныстарын алуға немесе одан бас тартуға құқылы және бұнда науқастың мүддесін басшылыққа алуы тиіс.
Дәрігерлер – денсаулық сақтау мекемесінің жетекшілері өз қоластында қызмет ететін медицина қызметкерлері кәсіби біліктілігінің жоғарылап отыруын қадағалауға міндетті.
Медицина қызметкері басқа медицина қызметкерлеріне және көмекші персоналға құрметпен қарауға, олардың кәсіби біліктілігінің жоғарылауына жағдай жасауға міндетті.

Этикалық кодекс күшінің шегі, оны қайта қарау тәртібі және оны бұзу жағдайындағы жауапкершілік.
Дәрігердің бірінші төрешісі – өз ары. Екіншісі – медицина қауымдастығы , олар дәрігерлер ассоцияциясы ретінде өз жарғысы және басқа құжаттар негізінде тәртіп бұзушыға шара қолдануға құқылы.
Егер этикалық нормалар тәртібін бұзу Қазақстан Республикасының іс жүзіндегі ережелеріне қайшы келсе, медицина қызметкері заң алдында жауапқа тартылады.
Қызметкер өзінің тәртібі ұжымда көпшілік талқысына салынуы мүмкін екендігін санада ұстауы тиіс.

III. Қорытынды
Медбике өз кәсібінің абыройы мен беделін сақтауы тиіс. Ұқыптылық және жеке гигиена ережелерін ұстану – медбике тұлғасының бұлжытпас қасиеті. Медбике медбикелік істің стандарттарын қолдау, енгізу және жақсартуға моральдық жауапкершілікті арқалайды. Ол өзі меңгермеген құзіреттілік дәрежесіне үміттенбеуі керек. Медбикенің құқығы мен міндеті – өзінің моральдық, экономикалық және кәсіптік тәуелсіздігін ұстануы. Медбике әрқашан науқас тарапынан берілген сыйлықтар мен жағымсыз ұсыныстардан бас тартуы керек, егер оның негізінде өзге науқастармен салыстырғанда әлдеқайда жағымды мәртебеге қол жеткізу ниеті жатса. Медбике адамдық абыройды жоймайтын, әділдік пен адамгершілік принциптеріне қайшы келмейтін және құқықтық нормаларды бұзбайтын нысанда білдірілсе ғана науқастан алғыс алуы керек.