Телей сукмаке

ТЕЛЕЙ СУКМАКĔ
Пин-пин сукмак умра выртать,
Кашни чĕнет утма малтан мала.
Чĕре пĕрне анчах суйлать,
Пулсан та ман мерчен сукмакăм тăвалла.
Хушса юрламалли:
Телей сукмакĕпе утатăп
Ăраскала эп ĕненсе, шанса...
Телей улăхĕнче пухатăп
Чечексене-самантсене чунпа туйса...
Ман сукмака хĕвел хĕртет,
Çил-тăвăл шур юрпа витет ăна.
Сив çумăр шелсĕр йĕпетет,
Çавах телейлĕ эп, кĕтетĕп çĕн куна.
Хĕвеллĕ манăн юрату,
Пиллеççĕ тÿперен çут çăлтăрсем.
Янрать чунра сÿнми яту,
Ĕмĕрлĕхе пĕрлешрĕç пирĕн сукмаксем.
Сукмакăм вĕçсĕр-хĕрсĕр ман,
Илсе çитерĕ вăл ăçта мана?
Эп çăмăллăх нихçан ыйтман…
Хам телее тĕрлетĕп чечекрен кăна…
сăвви Альбина ЮРАТУН
кĕвви Александр ПАВЛОВĂН
юрра чӑваш эстрада юрӑҫи
Ольга Кондратьева шӑрантарать