Дәріленген тұқымның сапасын анықтау және дәрілердің тұқымның өнгіштігіне, өскіндердің дамуына әсері
Жұмыстың мақсаты: ауыл шаруашылық дақылдарын дәрілеумен өңдеуді үйрену. Зерттеу нысаны: Бидай, арпа, жүгері тұқымдары, тұқым дәрілері: 80%-дық с.ұ.ТМТД,115 т.к.с., дивидент экстрим, Петри табақшасы, сүзгі қағазы, су, техникалық таразы, гір тасы, мензурка,сызғыш және т.б. Тұқым дәрілеу - себілетін (отырғызылатын) материалды ішкі және сыртқы өсімдік аруларынан, егістікке себілген тұқымды және көктеп шыққан өскінді топырақ зиянкестері мен ауру таратушы микроорганизмдерден қорғау үшін химикалық заттармен зарарсыздандыру. Жүйелі тұқым дәрілеу кезінде бірқатар зиянкестер мен ауру қоздырғыштары жойылады. Тұқым дәрілеу сонымен қатар тұқымның өнгіштігін, көктеп шығуын тездетеді. Тұқым дәрілеу құрғақ, жартылай құрғақ, сулы, ылғалды болып бөлінеді. 1. Құрғақ тұқым дәрілеуде ұнтақ түріндегі пестицидтермен дәрілейді. 2. Жартылай құрғақ тұқым дәрілеуде тұқым пестицидтің судағы ерітіндісімен өңделеді (1 т тұқымға 20 – 30 л дәрі бүркіп, дәрі бойына сіңгенше бетін жауып қояды).