Бөйөк Ватан һуғышы минең ғаиләм тарихы

Исламбай ауылы иҫ киткес матур ерҙә урынлашкан. Уның тәбиғәте йәшел урмандарға, еләк- емештәргә, төрлө ҡоштарға, йәнлектәргә бик бай.
Ошо ауылда Әбделхалиҡ олатай менән Хәтирә өләсәй ғаиләһендә 1 ҡыҙ һәм 5 ул үҫә

1941 йылдың 22 июнь көнө, ил тарихында иң ҡайғылы көндәрҙең береһе. Фашист Германия илебеҙгә һуғыш башлай. 1418 көн һәм төн дауам иткән һуғыш...

Сал картлығын һаҡлап ҡарттарымдың,
Һылыуҙарын һаҡлап илемдең,
Бөйөклөгөн һаҡлап Уралымдың,
Гузәллеген һаҡлап Иҙелдең,
Тыуасаҡ таң, тыуасаҡ яҙ өсөн,
Яҙың япраҡлыныр гөл өсөн,
Тыуыр былам, йырланыр йыр өсөн,
Йыр өсөн һәм тыуған ер өсөн-
Мин фронтҡа китәм, иптәштәр!
М.Кәрим 1941

Һуғыш башланыу менән биш бер туған
Зиннәт
Фәтхулла
Әбдулхаҡ
Ғилмитдин
Әбделхай
Ғәлиуллиндар
Ил саҡырғас, яуға китәләр!

Ғәлиуллин Зиннәт Әбделхалик улы,
1898 йылғы, Зәки Вәлтдиҙәр менән Өфө лә мәҙрәсәлә уҡыған һәм аҙаҡ Исламбай ауыл мәсетендә мәзин булған. Һуғышҡа тиклем колхозда эшләй .Һуғыштың тәүге көнөндәрендә һуғышҡа китә. Ҡыҙыл армеец, 1943 йылдың март айында хәбәрһеҙ юғала .

Ғәлиуллин Фәтхулла Әбделхалиҡ улы
1901 йылғы, һуғышҡа тиклем урмансы һәм һатыусы булып эшләй .
Ҡыҙыл армеец. 1943 йылдың сентябрь айында һуғышта хәбәрһеҙ юғала

Ғәлиуллин Ғилмитдин Әбделхалиҡ улы.
1908 йылда тыуған.Һуғыш башланғас һуғышка китә.1942 йылда бер бик ҡаты алышта еңелергә тура килгәндә, совет һалдаттарының бер төркөмө ҡамауҙа ҡалып пленға эләгә.Улар араһында Ғилмитдин олатайҙа була
“Дахау” концентрационный лагерҙа әсирлектә булып , 1946 йылда тыуған ауылына әйләнеп ҡайтырға насип була.

Ғәлиуллин Әбдулхак Әбделхалиҡ улы.
1911 йылғы, ҡыҙыл армеец. Һуғыштан әйләнеп ҡайта алмай.1942 йылдаң август айында хәбәрһеҙ юғала.
Һуғышҡа тиклем колхоз председателе була.

Ғәлиуллин Әбделхай Әбделхалиҡ улы, 1911 йылғы.
Бөрйән районы комсокомитетында секретарь булып эшләп йөрөгәндә,1937 йылда әрме сафтына алына. Тыуған илен һаҡлаусы олатайыбыҙ тыуған яҡтарына ҡайтып өлгөрмәй, һуғышҡа алына. Мото- Понтонно-Мостовой батальон да хеҙмәт итә. Сержант дәрәжәһендә Бөйөҡ Еңеүҙе ҡаршылай.1945йылда август айында Япон һуғышына эләгә.1947 йылда , 10 йыл үткәс “Германияны еңгән өсөн ” ,“Японияны еңгән өсөн ” миҙалдарын тағып әйләнеп ҡайта.

Ҡарт олатайдың үҙ ҡулына ала алмаған “За отвагу” миҙалы мәғлүмәттен интернет селтәренән белдек

Һуғыштар булмай ҡорбанһыҙ.
Унһыҙ-юҡ Еңеү туйы.
Ә беҙ үлгәндәр алдында
Бурыслы ғүмер буйы.
Зиннәт, Фәтхулла, Әбдулхаҡ олатайҙарыбыҙ,
ил азатлығы өсөн һәләк булғандар.

Ғилмитдин олатай һуғыштан ҡайткас 3 йыл ферма мөдире, 7 йыл райпола һатыусы һәм урмансы булып эшләй.
Ул халыҡ куңелдә һунарсы ,ҡортсо булып иҫтә ҡала. 1978- се йылда яҡты донъя менән хушлаша.

Олатайым Әбделхай 1947 йылдарҙан һуң Бөрйән Райзоһы етәксеһе булып эшләй.”Буденный” колхозына председатель итеп ебәрелә. Колхоз алдынғылыҡа сыҡҡас, уны “Урал” кохозын күтәреү өсөн , председатель итеп Әбделмәмбәт ауылына эшкә ебәрәләр.
1957 йылда вафат була. Яҙмыш ҡушыуы буйынса мәңгелек йортола Әбделмәмбәт зыяратында.

Ғилмитдин олатайҙың “Кипит- дует” тигән ҡушаматын Бөрйән халҡы әле лә иҫләй.

Ҡарт олатайым Әбделхай 1953 йылда Ғәлиәкбәр ауылына Нәғимә апайына ҡунаҡҡа барған сағында, үҙ исемен яҙып таш ултырта. Ул таш иҫтәлек булып әлеге ваҡытта ла һаҡлана.

Зиннәт олатайҙың 4 улы һәм 4 ҡыҙы була. Улы Рамаҙанда Бөйөк Ватан һуғышында ҡатнаша . Фәтхулла олатайҙын 5 ҡыҙы һәм 1 улы ҡала. Ғилмитдин олатайҙың 3 улы һәм 4 ҡыҙы. Әбделхаҡ олатайҙын 2 улы, Әбделхай олатайҙың 3 улы һәм 2 ҡыҙы нәҫелде дауам итәләр.