Лёман Сулейман онынъ терджимейиалы ве бала эсерлери

Лёман Сулейман 1920 сенеси Багъчасарай шеэринде догъды. Орта мектепни битирген сонъ Акъмесджит педагогика институтнынъ къырымтатар тили ве эдебияты болюгине окъумагъа кире.

УЛУ ДЖИАН ДЖЕНКНИНЪ ИШТИРАКЧИСИ. ДЖЕНКТЕН КЪАЙТКЪАН СОНЪ ОЗЬБЕКИСТАНГЪА СЮРГЮН ЭТИЛЕ.

НАМАНГАН ШЕЭРИНИНЪ МЕКТЕПЛЕРИНДЕ ОДЖАЛЫКЪ ЯПТЫ.
БИРИНДЖИ ШИИРЛЕР ДЖЫЙЫНТЫГЪЫ – «ОМЮР ВЕ ЧИЧЕК» («ЖИЗНЬ И ЦВЕТОК») 1971 СЕНЕСИ НЕШИР ЭТИЛЬДИ. 1978 СЕНЕСИ «КУНЕШ ВЕ ЙЫР» («СОЛНЦЕ И ПЕСНЯ»), 1985 СЕНЕСИ «КУМЮШ КЪАНАТЛАР» («СЕРЕБРЯННЫЕ КРЫЛЬЯ») КИТАПЛАРЫ НЕШИР ЭТИЛЬДИ.

ЛЁМАН СУЛЕЙМАН 1993 СЕНЕСИ ОЗЬБЕКИСТАНДА ВЕФАТ ЭТТИ.

Чебер къызчыкъ
Чебер къызчыкъ Эмине
Эрте келе мектепке.
Дюльбер, темиз кийине,
Нумюне о, эдепте.
Дефтерлери, китабы
Онынъ ич бир лекесиз.
"Беш"лернинъ ёкъ эсабы,
Окъуй "уч"сиз, "Эки"сиз.
Антери ве оглюги
Озюне пек ярашкъан,
Къызчыкъ алчакъгонъюлли,
Юзю, дерсинъ, гуль ачкъан.
Эмекни де пек севе,
Чеберликни огренди.
Анасынен бирликте
Антер тике о энди