Муса Җәлил (1906-1944)

Муса Җәлил Әминә хатыны белән
Кызы Чулпан

Муса алты яшеннән авыл мәктәбенә укырга керә, гаилә шәһәргә күчкәч,
укуын «Хөсәения» мәдрәсәсендә дәвам иттерә.

1922 елның көзендә М. Җәлил Казанга килә. Башта ул «Татарстан»
газетасы редакциясендә эшли, ә 1923 елдан Татрабфакта укый башлый.
Рабфакта төрле фәннәрнең нигезләре белән танышу, алдынгы яшьләр,
язучылар арасында кайнау М. Җәлилнең фикри үсешенә һәм иҗат активлыгына уңай йогынты ясый.

1919 елда “бәхет” шигыре басыла . 1925 елда Җәлилнең “Барабыз” исемле беренче китабы чыга.

1927-1931 елларда I Мәскәү дәүләт университетының әдәбият-сәнгать факультетында
укып югары белем ала.

1939 елда М. Җәлил Татарстан Язучылар союзы идарәсенең җаваплы
секретаре итеп билгеләнә

1941 елның июль аенда М. Җәлил армиягә алына. Башта ул Казан
гарнизоны хәрби частендә рядовой кызылармеец булып хезмәт итә, аннары Курск өлкәсендәге политработниклар әзерли торган алты айлык курсларга укырга җибәрелә