Рэй Крок

РЭЙ КРОК
Реймон Альберт Крок (ағыл. Raymond Albert Kroc), бейресми Рэй Крок (Ray Kroc; 5 қазан 1902 — 14 қаңтар1984)-америкалық кәсіпкер, ресторатор, McDonald’s корпорациясының негізін қалаушы. «Тайм» журналында «100 айрықша маңызды ғасыр адамдары» қатарына енген. Есептеулер нәтижесінде дүниеден өткеннен кейін $500 млн қазына-мүлік жинағаны белгілі болды

Рей Крок 1902 жылы Чехиялық отбасыда дүниеге келген. Рэйден басқа отбасында екі бала-тәтесі Лорен және ағасы Роберт болған. Болашақ миллионердың әкесі 1929 жылы дүние салады (Себептердің бірі - Ұлы депрессия кезіндегі өз кәсіпорынының банкротқа ұшырауы). 52 жасына дейін Рэй Крок сауда агенті (қоғамдық ас кәсіпорындарына миксерлер мен қағаз стақандарды сатқан), джаз ансамбліндегі пионист, жылжымалы мүлік сату агенті және т.б. қызметтерін атқарады.

Рэй Кроктың кәсіпкерлерге айтқан нақыл сөздері бүгінгі күнде де өз маңыздылығын жоғалтқан жоқ. Ол – америкалық кәсіпкер, McDonald’s фаст-фудтар желісінің негізін қалаушы. Оған атақ пен ақша оңай келген жоқ. Мол табысқа кенеліп, бүгінде атақты болған брендтің негізін қалайтынын ешкім білмеді. Крок ағайынды Макдональдтармен бірлесіп, ең алғашқы McDonald’s-ты Иллинойс штатында ашты

Атағы шыққанға дейін ол қатардағы кәсіпкер болатын. Жұмысы жүрмей, кәсібі дағдарыстан көз ашпады. Қай істі бастаса да соңында ақыры күйреп тынатын. Бірақ ол ешқашан мойыған емес. Оның кәсіптегі сәтсіздіктерімен қатар денсаулығы да жақсы болмаған. Қант диабеті және артрит ауруымен ауыратын, оған қоса құлағының естімейтіні тағы бар. Дәрігерлер оның өт қабы мен қалқанша безін алып тастаған.

Ең алғаш McDonald’s-ты тарату лицензиясын алу үшін оған 15 мың АҚШ доллары керек болады. Бірақ банктердің барлығы несие беруден бас тартады.
Сәтсіздіктерден көз ашпаған Рэй Крок жетістікке жете бастаған кезінде жасы 52-де еді. Өмірінің қалған 30 жылын табысты өткізген кәсіпкердің еңбек жолы өзгелерге сабақ болары сөзсіз. Өйткені ол табысқа жетудің сан мың жолын байқап көріп, сүрінсе де берілген емес. 52 жасына дейін табысқа жетеріне сенді. Ақыры мақсат-мұратына жетті. Бүгінде McDonald’s-ты білмейтін адам жоқ.

Сәттіліктер мен жеңілістер үшін әр адам өзі жауап береді
1. Кәсіп майданында сан мәрте рет жараланып, құлаған сайын шыңдалып, әрдайым шайқасқа дайын болдым.
2. Табыс қолыңнан оңай кетеді, сол себепті ештеңені күтпе!
3. Алға қарай ұмтыл: өмірде табандылықтың орнын ештеңе баса алмайды. Талантты болса да, жолы болмағандар көп. Данышпан болса да, ойлары жүзеге аспағандар көп. Тіпті ең жоғары білім де оны алмастыра алмайды. Өйткені әлем білімді жалқауларға толы. Ең басты құдірет – табандылық пен өз дегеніңнен қайтпау.
Рэй Кроктың кәсіпкерлерге айтқан нақыл сөздері

4. Өзіңнің қорқыныштарыңды сенімге алмастыр.
5. Табыс – бұл маңдай тердің көрсеткіші. Қаншалықты көп терлесеңіз, соншалықты табысты боласыз.
6. Тәуекел болмаса, қол жеткізген жетістіктеріңіз үшін мақтаныш та болмайды.
7. Егер сіз тек ақша үшін жұмыс істесеңіз, оны ешқашан жеткілікті мөлшерде таба алмайсыз. Ал егер жұмысыңызды сүйіп істесеңіз және тұтынушыларыңызды бірінші орынға қойсаңыз, мол табысқа кенелесіз.
8. Гамбургер дайындау кәсібін біз сияқты ешкім шынайы қабылдаған жоқ.
9. Мен үшін ақша – орындалған борыштың жетістігі.

10. Тұтынушыларыңызды бақылаңыз, сонда кәсібіңіз дамиды.
11. Мен өзгелерді жетістікке жетелеген сайын, өзім де жетістіктің шыңына өрлей беремін.
12. Бәсекелестерім менің жоспарымды ұрлауы мүмкін. Бірақ олар менің басымда жатқан ойымды ұрлай алмайды. Демек, мен әрдайым олардан оқ бойы озық боламын.
13. Жұмыс – өмірдің гамбургеріндегі ет.
14. Егер тәуекелшіл болмасаңыз, бизнеске тұмсығыңызды сұқпаңыз.

15. Маған жай ғана басқа мүмкіндіктерді іздеу керек болды.
16. Мен Құдайға, отбасыма және McDonald’s-қа сенемін. Жұмыста болған кезде оның реті соңынан басына қарай өзгереді.
17. Бізде бакалавр дәрежесін иеленген мамандар өте көп. Бірақ…
18. Жеңілме…

Иллионс штатындағы Десплейнз қаласында 1955 жылы Рэй Крок McDonald’s мейрамханасын ашып, мемлекет ішінде мейрамханалардың ашылуына франшиздарды қарқынды сатуға кіріседі. Тілектестердің тобы арқылы Рэй Крок франчайзильдік мейрамханалар бірлестігінде McDonald’s стандартын бақылап, қаржыландыруға қол ұшын берді. Рэй Кроктың саясаты арқылы McDonald’s бренді кең тарап, арнайы ойланған оқыту жүйесімен тұтынушылар мен әлеуетті франшиз сатып алушылар арасында танымалдылыққа ие болды.

1974 жылы Рэй Крок San Diego Padres бейсбол командасын иемденді. Рэй Кроктың қолғабысымен бірнеше қайырымдылық қорлары құрылды.
Рэй Крок 1984 жылы жүрек таламасынан Сан-Диегода көз жұмады