Историческӧй места. Порошево посадын. Важ велӧтчанiн

Миян учӧт родина - Косинскӧй район Порошево посад.
Татӧн уна важ чапкӧм керкуэз. Быдлӧн аслас история.
Эта керкуыс – важ Порошевскӧй велӧтчанiн, кӧдалӧн ыбӧссэз пӧднассисӧ 2008 воӧ

Медперво велӧтчанiн вӧлi начальнӧй, сыбӧрын сизимвося да кыкьямысвося. Сэтӧн велӧтчисӧ челядь нiя посаддэзiсь, кӧдна абу ни Косинскӧй район карта вылын: Исаево, Новоселы, Кашпальник, Собачка, Губаново, Дасмартово

Кӧр содiсӧ классэз, то начальнӧйез пондiсӧ велӧтчыны торья керкуоккезын, сiдз кыдз эзӧ тӧрӧ

Медбур да медгажа пельӧсокӧн челядь понда вӧлi велӧтчанiн сад, кӧдӧ нiя садитiсӧ асьныс

Эта стендыс ӧшалiс кӧркӧ важ велӧтчанiнын. Ӧнi сiйӧ позьӧ пантавны Порошевскӧй этнографическӧй музейын «Память»

Кыдз и быдӧс велӧтчанiннэзын, татӧн вӧлӧма пионерскӧй да комсомольскӧй организация

Стена вылын, школаӧ пырикӧ, ӧшалӧ мемориальнӧй пӧв Щербаков Пётр Андреевичлӧ, медодзза директорлӧ, кӧдалӧн судьбаыс вӧлӧма сэтшӧм жӧ интереснӧй, кыдз и судьба важ велӧтчанiнлӧн

Мемориальнӧй пӧв вӧлi осьтӧм май
9 лунӧ 2010 воӧ

Щербаков Пётр Андреевич, заслуженнӧй велӧтiсь РСФСР,
медодзза директор, гражданскӧй да Великӧй Отечественнӧй войналӧн ветеран

Кин тӧдӧ, кытшӧм одзланься судьба важ велӧтчанiнлӧн?
Надейтчам, что лоас сiдз, кыдз гижис миян земляк, деревнялӧн патриот Жикин Виталий Васильевич аслас кывбурын «О школе и музее»