Притяжательнай склонениясь

Лятфтасаськ ётафть
Путость максф существительнайхнень местнай п. исходнай п. Н.-вн. п.
Тише сапонь куд
Он медь кяль
Ломань пинем район

Максф валхнень эзда мумс одушевленнай существительнайхнень.
Книга, ульця, ломань, кенкш, кал, сеель, ведь, шуфта, шяй, атя, он, ксты.

Полафнесть падежга определённай склонениява существительнайхнень фкя и лама лувксова.
Сеель, ломань, куд.

Существительнайхнень путость определённай склоненияса именительнай падежса и аф определённай склонениянь местнай падежса.
Вакс, сукс, палакс, лефкс, суркс.

Притяжательнай склонениясь
1-це лицаса «Монь» рядса -зе, -не, -н суффикст
(монь книгазе, монь книгане, монь книгадон);
2-це лицаса «Тонь» рядса -це, -тне, -т суффикст
(тонь книгаце, тонь книгатне, тонь книгадот);
3–це лицаса «Сонь» рядса -ц, -нза суффикст (сонь книгац, сонь книганза);
1-це лицаса «Минь» рядса –ньке, нк суффикст (минь книганьке, минь книгадонк);
2-це лицаса «Тинь» рядса –нте, -нт суффикст (тинь книганте, тинь книгадонт);
3-це лицаса «Синь» рядса -сна, (-цна), -ста суффикст (синь книгасна, синь нармоньцна, синь книгадост).

Притяжательнай склоненияса существительнайхнень сермадомасна
1. Розь – росне (тонь), утом – утопне (тонь), стакан – стакаттне (тонь).
2. Сан – санцон, санцтон, санцонза.
3. Нармонь – нармоньцна, нармоньцнон, нармоньцнонды;
диван – диванцна, диванцнон, диванцнонды.

Азость существительнайхнень формаснон
Сарасне – саразне, кусне – кузне, васьне – вазьне, нармоттне – нармонне, ведрашне – ведражне, корошне – корожне, стакаттне – стаканне, атяпне – атямне, утопне – утомне.

Тиеда валзюлмот, путомок скобкаса максф валхнень няфтьф падежса и склоненияса.
Илядонь (олга - изъят. п.), тонь (идь - сравн.п), эряй минь (куд - местн. п.), няить (он - исходн.п.), сувась (класс – н.-вн.п.), коськсть (пинем - опр.скл., им.п.), штамс (сапонь -местн.п.), якамс (ведь - н.-вн.п.).

Валмуворксста мусть существительнайхнень и азость падежть и склонениять.
Родной крайса, кода райса.
Саят школаста, тят аще ноласта.
Тундась мазы панчфса, а сёксесь – сёронь таньфса.
Кельгсак Родинать, сон тонь сисемксть кельгтянза.
Содамошись ярмакса аф рамави, а трудса добувави.
Цебярь школась, да аф кельгсы сонь нолась.
Серец пяшешка – ёнец пяштешка.
Мазышиц оцю, а ёнец куцю.
Родной вели кись кели.
Шумбрашида питни мезевок аш.
Нолашись урмада кальдяв.
Нола кяттне ёню пряти аф ялгат.
Аф шуди ведсь шинияй.
Нола плотникть фалу мувор узерец.

Кудонь тевсь.
Сёрмадомс нюрьхкяня сочинения «Монь эряма вастозе» темать лангс.
Сочиненияти сувафтода притяжательнай склоненияса существительнайхть.
Максф валхт: веле, ляй, куд, вирь, беряк, кал, луга, пакся, мода, кожф, пиче, таньф, келе, кувалма, ломань, мазыши.