Мыскаран Мастарже. Поэт Мирон Большаковлан - 100 ий

Большаков Мирон Николаевич (Мирон Чойн)
Морко районысо Элекэҥер ялеш 1918 ий
19 февральыште кресаньык ешеш шочын.

1934 ийыште Кÿчыкеҥер ялысе шымияш школым тунем пытарен.

Школ деч вара Морко медрабфакыште тунемын, но пытарен огыл,черланымылан кӧра 3 курс гыч кораҥын.

1936 ий гыч илышыжым журналист да сылнымут паша дене кылда:
«Марий коммуна» ден «Рвезе комунист» газетлаште отдел вуйлатышылан, ответственный секретарьлан ышта.

1951-1966 ийлаште Марий книга издательствыште редактор сомылым шукта.

Мирон Николаевич Большаков шкенжын почеламутшо-влакым газет ден журналлаште 1934 ийыште савыкташ тÿҥалын. Сылнымут корнышко ӱшанлын ныллымше ийлаште тошкалын.

1943 ийыште «Тулан жап» икымше книгаже лектын.
Чойн, Мирон.
Тулан жап = [Огненное время] [Текст] : почеламут-шамыч / Мирон Чойн ; [ред. И. Осмин]. - Йошкар-Ола : Маргиз, 1943. - 79 с

Мирон Николаевичын мыскара почеламут ден басньыже – влакымат калык шокшын вашлийын. Нунышт 1960 ийыште «Курезе ден Кармывоҥго» книгашке пуреныт.

Поэт тыгак йоча-влакым ок мондо: нунылан марий, руш йылме денат почеламут-влакым пöлеклен.
1951 ийыште А.Бик дене пырля «Тыныс эр» книгам савыктен луктыт

Кече шыргыжеш.
Кава яндар тугае –
Янда гай вел коеш.
Чылт шöртньö тӱмыр гае
Эр кечыже лектеш.
Ме рвезе тумо семын
Вийналтын кушкына.
Пуэн чыла кӱлешым
Мемнан шӱмбел элна.
Пиална нигöн дечын
Яндарын волгалтеш
Мемнам ончен, эр кече
Садланак шыргыжеш.

Изи тумо.
Нур покшелне изи тумо
Часовой гай рыҥ шога,
Кажне шошо тыште тудо
Сылнын койын ужарга.
Коклан толын, кудыр вуйжым
Лай мардежше тарвата,
Йыр мотор пӱртӱсым ужын,
Тумо гаяк кушкына.
Чевер кечын кайык-влакше
Парчаш шинчын лӱҥгалтат,
А йӱр годым укш йымалне
Тыште еҥ-влак каналтат.
Изи тумо, куш сöралын
Сылнештараш мландынам.
Ме, йоча-влак, вийым налын,
Тумо гаяк кушкына.

Мирон Большаков прозыштат шке вийжым терген ончен. 1976 ийыште «Чон моторлык» ойлымаш ден очерк сборникшым Марий издательство савыктен луктын.
Большаков, М. Н.
Чон моторлык = [Красота души] [Текст] : ойлымаш ден очерк-вл. / М. Н. Большаков ; сур. В. В. Домбровскийын. - Йошкар-Ола : Кн. лукшо марий изд-во, 1976. - 135 с. : ил.

1958 ий гыч – СССР Писатель ушем член.

Мирон Большаков кусарыше семын палыме
Аркадий Гайдар
Михаил Шолохов
Вениамин Каверин
Евгения Кононенко

17 февраль 1978 ийын поэт Мирон Николаевич Большаковым 60 ияш лўмгечыжлан Марий АССР Верховный Совет Президиумын Указше почеш Почетан грамотыж дене наградитленыт.
Мирон Чойным (М.Н. Большаковым) Марий АССР Верховный Совет Президиумын Почетный грамотыж дене наградитлыме нерген : Марий АССР Верховный Совет Президиумын. Указше // Ончыко, 1978. - № 1. - С. 85.

Мирон Большаковын книгаже-влак:

Большаков, М. Н.
Уремыште шошо = [Весна на улице] [Текст] : почеламут ден басня-вл. / М. Н. Большаков. - Йошкар-Ола : Кн. лукшо марий изд-во, 1978. - 127 с. : ил.
Але марте лекше да йєршеш
у произведенийже-влакым поэтын кудло ий темме вашеш печатлалтше ик книгаш чумырымо.