Авамлан 90 ий

Тый улат мыланна эн шерге тўняште!
Тый улат мыланна эн шерге тўняште! Куанен толына, авай, кертме семын. Палена, тый вучет мемнам кажне кечын, Южгунам шортынат колтет йочат верчын.
Тый улат мыланна ўшанле йолташна. Ойго гын, неле гын толына тый декетше, Мутланен шинчена, да, канде кава гае, Сутемеш илышна, шўмыштат моткоч сае!
Тый улат телымат кенеж шокшо кече – Вашкена воктекет чоннам ырыкташ ме! Погена тый дечет у вийым, куаным. Кодена тыланет ме лач тургыжмашым!
Тый улат мыланна эн поро авана, Шочмо сурт, ныжыл сем да илыш энертыш. Ош тўнян юзо вийже улат мыланна тый, Яндар юж, чевер кече, пиалан пўрымашна!

Авамлан
90 ий
11 октябрь 2017 ий