Чăваш апачĕ – хуран кукли

Ман тĕллев:
хуран кукли пĕçерме вĕренесси
Мĕншĕн çакна суйласа илтĕм-ха эпĕ?
Мĕншĕн тесен хуран кукли -чǎвашсен чи тутлǎ
та юратнǎ апачĕсенчен пĕри. Тата ăна пĕçерме
те çăмăлрах тесе шутлатăп. Ǎна йÿçĕтмен чустаран
çупаççĕ-вĕт.Уйрăмах ăшне тǎпǎрч (творог) хурсан
юрататăп.

Мĕнле пĕçермелле-ши?
Кукăль валли: 350г ҫӑнӑх, пĕр ҫӑмарта, тӑвар ( тутӑ каламалӑх) ӑшӑ шыв илсе хутӑштармалла, ывăс ҫине хурса унаса ҫемҫетмелле.

Чуста хатĕр

Тата мĕн кирлĕ - ха пире?
Тăпăрчă, çăмарта, симĕс сухан, тăвар, услам çу тата йăл кулă.

Тăпăрчăна, çăмартапа лайăх кăна хутăштаратпăр.

Чустана пайламалла та йĕтĕрпе сармалла.
Сарнă чуста çине
тăпăрчă хумалла

Кукăль «кантрине» хитре явма, паллах, хăнăху кирлĕ. Унтан та ытларах - йăл кулă!

Хитре пулчĕ -и? Халь çак илĕртмĕшсене кăшт тăвар янă вĕрекен шыва сиктермелле.

6-7 минутран пиçнĕ кукӑльсене малтан дуршлаг ҫине илсе хумалла( шывĕ сӑрхӑнтӑр), унтан услам çупа сиктермелле, çиелтен симĕс сухан сапса хитрелетсен тата та тутлăрах пулмалла.

Хальхи медицина мĕн калать? 21-мĕш ĕмĕрте этем ытларах хими хутӑшĕнчен хатĕрленĕ апат-ҫимĕҫ ҫиет. Ҫакӑ сывлӑха сиен кÿрет.Сывлӑхлӑ, илемлĕ, ҫирĕп пулас тесен экологи енчен таса апат ҫиме тӑрӑшмалла.Чӑн- чӑваш апачĕ, хуран кукли, таса апат шутне кĕрет те ĕнтĕ.

Хуран кукли усăллă
Тӑпӑрчран ӑсталанӑ кукӑль шӑлсене, шӑмӑсене кальципе тивĕҫтерет. Пӑспа пĕҫернĕ хуран кукли усӑллӑ пулнине ҫирĕплетеҫҫĕ медиксем.

Тĕллеве пурнăçларăм!
Ку апат – ҫимĕҫе чӑвашсем пысӑк уявсенче, хӑна умне лартса панă. Кулленхи пурнӑҫра эпир те, хальхи чӑвашсем хуран кукли пĕҫерсе ҫиетпĕр. Кǎшт
ĕлĕкрех пирĕн асаттесемпе асаннесем ǎна хуранта
пĕçернĕ, çавǎнпа пулĕ ĕнтĕ ǎна «хуран кукǎлĕ»(вареники) тесе ят панǎ. Халĕ вара хурансем çук е пур пулсан та çак кукǎле
кастрюльсенче пĕçереççĕ.
. Эпĕ те хуран кукли пĕçерме вĕрентĕм! Хамăн тĕллеве пурнăçларăм!

Чăваш апачĕ – хуран кукли
Чи усăлли те чи тутли!
Туссем, ан манăр ĕмĕрне
Чăн-чăн чăвашăн апатне!
Апачĕ тутлă пултăр!