Менӧ шуӧны Валей Полина Андреевнаӧн

Видза оланныд, пыдди пуктана йӧз!
Менӧ шуӧны Валей Полина Андреевнаӧн. Меным дас ӧкмыс арӧс, велӧдча Куратов нима педколледжын музыкальнӧй отделениеын мӧдӧд курс вылын.

Ола Мутнӧй Материк сиктын. Помалi дас ӧтик класса школа.
Радейта тэчны пес, кыйны чери тӧлын и гожӧмын, кыны паськӧм ичӧтджык вок-чойлы, вурсьыны, пӧжасьны да пусьыны.

Ичӧтсянь нин сьыла да йӧкта. Кӧкъямысӧд классын босьтiсны сиктса «Метелица» нима ансамбльӧ. Куимысь ветлi ансамблькӧд районса «Йӧлӧга» фестиваль вылӧ, кӧнi босьтiм Гран-при.
Ветлӧдлi сьывны Москваӧ, Сочиӧ, Крымӧ да Питерӧ, кӧнi сьылi ӧтнам и дуэтӧн, сiдз жӧ босьтi некымын Гран-при да первӧй местаяс.

Санкт- Петербург, 2016 во

Крым, 2018 во
ӧ

Фестиваль «Йӧлӧга»

Дипломъяс да кубокъяс Крымын выступайтӧмысь

Ола ыджыд семьяын: бать-мам, вок-чой да ыджыд мам. Эм прабаб, кодлӧн уна внук-внучка, и весиг эм праправнук.
Ме зэв ёна радейта ассьым бать-мамӧс.
Колледж помалӧм бӧрын мӧда локны ас радейтана сиктам, кӧнi кӧть и номъя гожӧмнас, колӧ аслыд садитны да босьтны картупель, чиститны лым тӧвнас, но сиктӧс ассьым некутшӧм кар вылӧ ог веж.