ՀՀ կրթության, գիտության, մշակույթի և սպորտի նախարարություն

-Ծրագրի նկարագիրը-
«Ուսումնական էլեկտրոնային տեսանյութերը՝ տարրական դասարաններում ուսումնական գործընթացի կազմակերպման արդյունավետ միջոցներ» թեմայով ծրագիրը նախատեսված է հանրակրթական դպրոցների տարրական դասարաններում դասավանդող ուսուցիչների համար:
Համավարակով պայմանավորված հեռավար ուսուցում իրականացնելը որոշակի դժվարություններ առաջացրեց տարրական դասարաններում դասավանդող ուսուցիչների համար, քանի որ տարրական դասարաններում սովորող աշակերտները դժվարանում են ինքնուրույն օգտվել տարբեր էլեկտրոնային կրթական հարթակներից: Ուսուցիչների մի մասը հեռավար դասերը անցկացնում են zoom հավելվածի միջոցով, սակայն հաճախ աշակերտները բացակայում են, և ցավոք, ուսուցիչը չունի ժամանակ մեկ անգամ ևս դասը մանրամասն բացատրելու: Ուսուցիչների մի մասն էլ աշխատում էր viber, messenjer, whatsApp հավելվածներում խմբեր ստեղծելով և այդ խմբերում նյութեր տեղադրելու միջոցով: Դասի թեման հասանելի դարձնելու համար, ուսուցիչը կարող է էլեկտրոնային տեսանյութեր ստեղծելու համար նախատեսված ծրագրերի միջոցով օրվա դասի թեման տեսագրել, որտեղ ձայնային ուղեկցությամբ նյութը ներկայացնում է այնպես, ինչպես կաներ առկա դասի ժամանակ և տեղադրի համացանցում, տարբեր հարթակներում, youtube-ում: Դասարանում տրված նյութի թղթային տարբերակին կարող է փոխարինել տեսանյութում տրված նյութով: Այն հմտությունները, որոնք պետք է զարգացվեն, կարող են ներառվել տեսանյութերում: Փորձը ցույց տվեց, որ այն թեմաները, որոնց համապատասխան ստեղծվել են տեսանյութեր և կիրառվել են դասապրոցեսի ընթացքում, շատ ավելի լավ են յուրացվել աշակերտների կողմից: Ուսումնական էլեկտրոնային տեսանյութերի կիրառումը դասապրոցեսի ընթացքում ևս անհրաժեշտ է, քանի որ դասաժամը դարձնում է ավելի հագեցած, հետաքրքիր և արդյունավետ: Ուսումնական տեսանյութերի կիրառումը արդյունավետ է նաև կրթության առանձնահատուկ պայմանների կարիք ունեցող աշակերտների ուսուցումը կազմակերպելու համար:

-Ծրագրի նպատակը-
Ուսուցիչները օգտվելով համապատասխան հավելվածներից, ծրագրերից (CamStudio, Bandicam, Screencast-O-Matic) կկարողանան ստեղծել ուսումնական էլեկտրոնային տեսանյութեր:
Զարգացնել ուսուցիչների մասնագիտական հմտություններն ուսումնական էլեկտրոնային տեսանյութերի պատրաստման և կիրառման գործում:
Զարգացնել ուսուցիչների ինքնաուսուցմամբ զբաղվելու կարողությունները:
Թեման հասանելի դարձնել աշակերտներին, և ընձեռնել նրանց հնարավորություն՝ ցանկացած պահի լսել և դիտել մատուցվող նյութը:
Ուսումնական էլեկտրոնային տեսանյութերի միջոցով ուսուցման գործընթացն առավել դյուրին դարձնել:

-Ծրագրի խնդիրները-
Ուսուցիչներին ծանոթացնել էլեկտրոնային տեսանյութեր ստեղծելու ծրագրերին, հավելվածներին, առցանց գործիքներին:
Ապահովվել նորագույն տեղեկատվական տեխնոլոգիաների կիրառումը ուսումնական գործընթացում:
Նպաստել աշակերտի ուսուցման առաջադիմությանը:
Տեղեկատվական հաղորդակցական տեխնոլոգիաների կիրառմամբ բարձրացնել ուսումնական գործընթացի կազմակերպման մակարդակը:
Բարձրացնել ուսուցիչների կողմից համապատասխան ծրագրերով ուսումնական տեսանյութեր պատրաստելու և կիրառելու պատրաստվածության մակարդակը:

-Ծրագրի ակնկալվող արդյունքները-
Կիրառելով ուսումնական էլեկտրոնային տեսանյութեր՝ ուսուցման գործընթացը դարձնել հետաքրքիր և արդյունավետ:
Ուսուցիչների համագործակցություն:
Աշակերտի համար թեմայի հասանելիություն:
Ուսումնական էլեկտրոնային տեսանյութեր պատրաստելու հմտությունների, կարողությունների կատարելագործում:
Ուսումնական էլեկտրոնային տեսանյութերի կիրառման անհրաժեշտությունն ու արդյունավետությունը դասապրոցեսի ընթացքում:
Էլեկտրոնային տեսանյութեր ստեղծելու համար նախատեսված ծրագրերի, հավելվածների կիրառման հնարավորություն:

-Ծրագրի իրականացման պլան-
Ուսուցիչների վերապատրաստում (էլեկտրոնային տեսանյութեր պատրաստելու համար նախատեսված հավելվածների, ծրագրերի ուսուցում):
Էլեկտրոնային ծրագրերով տեսանյութի պատրաստում:
Տեսանյութերի տեղադրում համացանցում և այլ հարթակներում:
Դասապրոցեսի ընթացքում ուսումնական տեսանյութերի կիրառում:
Աշակերտների հետ տեսանյութի քննարկում, հարցադրում, ամփոփում:

-Ծրագրի շարունակականության ապահովումը-
Տեսանյութեր ստեղծելու համար նախատեսված ծրագրերի միջոցով համակարգչում (սահիկաշար) և համացանցում առկա պաշարների հիման վրա կարելի է պատրաստել ուսումնական տեսանյութեր և տեղադրել տարբեր հարթակներում, համացանցում:
Տեսանյութերի կիրառումը հեռավար, առկա դասերի, բաց դասերի, ցերեկույթների, միջոցառումների ընթացքում:

https://www.youtube.com/watch?v=oy6xhYA6JHc&t=6s
https://www.youtube.com/watch?v=o1-xCoKQGBs&t=5s
https://www.youtube.com/watch?v=F3DmrM12N7Y
https://www.youtube.com/watch?v=xHszobxomow
https://www.youtube.com/watch?v=tgIv1A3-j3g
https://www.youtube.com/watch?v=M_ATUlIMNJ4
Ստորև տեղադրում եմ իմ և իմ գործընկերների կողմից պատրաստած ուսումնական էլեկտրոնային տեսանյութերի հղումներ, որոնք տեղադրված են youtube–յան ալիքում

Էլեկտրոնային տեսանյութեր ստեղծելու համար նախատեսված ծրագրեր
www.camstudio.org
www.bandicam.com
www.screencast-o-matic.com