Nomdor stipendiyalar va mukofotlarga davogar shaxslar uchun mo’ljallangan avtomatik portfolio shakllantiruvchi “MyPortfoli.uz”

Loyihaning maqsadi
Nomdor stipendiyalar, davlat mukofotlari va boshqa portfolio, qilingan ishlar, erishilgan yutuqlar haqida hisobot taqdim etilishi kerak bo’lgan mukofot va tanlov ishtirokchilari uchun qulay, samarali va xavfsiz yagona tizim joriy qilish.

Loyihaning vazifasi
Loyiha nomdor stipendiyalar, davlat mukofotlari va boshqa portfolio, qilingan ishlar, erishilgan yutuqlar haqida hisobot taqdim etilishi kerak bo’lgan mukofot va tanlov ishtirokchilari uchun portfolio va hisobotlarni shakllantirib, jamlab beradi va kerakli paytda oson, qulay va tezkor taqdim eta oladi. Loyihada faqatgina portfolio emas balki tanlovlarga birgina “Qatnashish” tugmasi orqali qatnashish uchun ariza berish imkoni ham mavjuddir. Ushbu loyiha yo’lga qo’yilgach respublikamizdagi barcha tanlovlarga ushbu tizim orqali online ariza topshirish imkoni ham mavjud bo’ladi.

Loyihaning dolzarbligi
Elektron hujjat almashish tizimlari O‘zbekiston Respublikasining “Elektron hujjat aylanishi to‘g‘risida”gi 2004 yil 29 apreldagi 611-II son Qaroriga binoan quyidagicha ta’riflanadi va faoliyat yuritadi.
Elektron hujjat almashish tizimlari – elektron hujjatlarni axborot-kommunikatsiya tizimi orqali jo‘natish va qabul qilish jarayonlari yig‘indisi. Elektron hujjat aylanishidan bitimlar (shu jumladan shartnomalar) tuzish, hisob-kitoblarni, rasmiy va norasmiy yozishmalarni amalga oshirish hamda boshqa axborotlarni almashishda foydalanish mumkin. Turli kompaniyalarning avtomatlashtirilgan tizimlari orasida standartlashtirilgan shakldagi ish hujjatlarining (buyurtmalar, hisob raqamlari va sh.k.) ma’lum shakldagi elektron almashinuvi elektron hujjat almashinuvi tizimini belgilaydi.

Elektron hukumat
Elektron hukumatning asosiy vazifalari quyidagilardan iborat:
davlat organlari faoliyatining samaradorligini, tezkorligini va shaffofligini ta’minlash, ularning mas’uliyatini va ijro intizomini kuchaytirish, aholi va tadbirkorlik subyektlari bilan axborot almashishni ta’minlashning qo‘shimcha mexanizmlarini yaratish;
ariza beruvchilar uchun mamlakatning butun hududida davlat organlari bilan o‘zaro munosabatlarni elektron hukumat doirasida amalga oshirish bo‘yicha imkoniyatlar yaratish;
o‘z zimmasiga yuklatilgan vazifalar doirasida davlat organlarining ma’lumotlar bazalarini, Yagona interaktiv davlat xizmatlari portalini va Elektron davlat xizmatlarining yagona reyestrini shakllantirish;