Мутын чеверже вержа, эрже. Алексеев Геннадий Валерианович

Геннадий Алексеевын
65 ий лӱмгечыжлан пöлеклалтше виртуальный книга выставкым ончаш темлена.
Авторын книга-влакшым Шернур рӱдö библиотекын фондыштыжо муаш лиеш.
Пагалыме лудшо-влак!

марий серызе,
почеламутчо,
журналист,
Россий Журналист-влак ушемын йыжъеҥже (1985),
Россий Серызе-влак ушемын йыжъеҥже (1997).
Алексеев
Геннадий Валерианович
1955-2012

Эрвий [Текст]: литературно-художественный сборник / В.Ф. Сапаев чумырен. – Йошкар-Ола: Марий книга издательство, 1984. – 158 с.
Литературно-художественный «Эрвий» кокымшо сборникыште Г. Алексеевын «Герой» ойлымашыж дене палыме лияш темлена.

Алексеев, Г. Шурнывече [Текст]: повесть ден ойлымаш-влак / Г. Алексеев, В. Александров, Н. Алексеев, Н. Печенкина. – Йошкар-Ола: Марий книга издательство, 1985. – 223 с.
Сборникыш ныл прозаикын – Г. Алексеевын, В. Александровын, Н. Алексеевын да Н. Печенкинан – возымыштым иктеш чумырымо.
Произведений-влакын тӱҥ темышт – айдеме ден айдеме кокласе кыл, шӱм-чон моторлык, йöратымаш, ял илыш проблема.

Эрвий [Текст]: сылнымут сборник / В.Ф. Сапаев ден М.И. Якимов чумыреныт. – Йошкар-Ола: Марий книга издательство, 1986. – 189 с.
Сылнымут «Эрвий» нылымше сборникыште Г. Алексеевын «Шырчык» ойлымашыж дене палыме лияш лиеш.

Дружба [Текст]: литературно-художественный сборник / С.В. Николаев чумырен. – Йошкар-Ола: Марий книга издательство, 1986. – 190 с.
Литературно-художественный «Дружба» латикымше сборникыште Г. Алексеевын «Корнышто» («В дороге») ойлымашыжым марий гыч руш йылмыш А. Спиридонов кусарен.

Алексеев, Г. Погонан рвезылык [Текст]: повесть ден ойлымаш-влак / Г. Алексеев. – Йошкар-Ола: Марий книга издательство, 1989. – 208 с.
Илыш корнышко лекше ӱдыр-рвезе-влакын паша тургыман кечышт, шӱшпык йӱкан эр ӱжарам вашлийме татышт, сылне да волгыдо йöратыме пагыт, йоҥылыш ыштыме титак верч коржшо шӱм-чон «Погонан рвезылык» книгаште тӱҥ верым налыт.

Алексеев, Г. Ӱшаным ӱжара конда [Текст]: повесть ден ойлымаш-влак / Г. Алексеев. – Йошкар-Ола: Марий книга издательство, 1993. – 256 с.
«Ӱшаным ӱжара конда» - прозаик Г. Алексеевын кумшо книгаже. Автор шке возымаштыже тӱҥ шотышто самырык-влакын шӱм-чоныштым почаш кумылаҥда: мо нуным тургыжландара, молан ӱшанен илат, мо дене весылан порым ыштен кертыт.

Алексеев, Г. Шочмо вер-чевер. Шӱмсем аршаш [Текст]: лирический новелла-влак / Г. Алексеев. – Йошкар-Ола: Издательство «Периодика Марий Эл», 2001. – 264 с.
Г. Алексеевын тиде чумырымо книгаштыже кажне лудышыжо – муро гай: Шочмо эллан, Шочмо кундемлан, Тӱнялан, Илышлан моктеммуро. Писательын кажне лудыш-мурыжо илышыште, пӱртӱсыштö уждымым ужаш, колдымым колаш, чылажымат чон пуэн йöраташ таратат, аралаш ӱжыт.

Алексеев, Г. Куку муро ойган [Текст]: повесть ден ойлымаш-влак / Г. Алексеев. – Йошкар-Ола: Марий книга савыктыш, 2010. – 304 с.
Авторын «Куку муро ойган» книгашкыже кок повесть ден ойлымаш-влак пуреныт. Персонажышт –марий ялыште илыше тыглай еҥ-влак – авторлан пеш палыме да лишыл улыт. Нунын шӱм-чон поянлыкыштым, койыш-шоктышыштым, илыш умылымашыштым аклаш тудо оҥай сюжетым, проста да лывырге йылмым кучылтеш.

Алексеев, Г. Сулык [Текст]: повесть / Г. Алексеев. - Йошкар-Ола: «Марий книга издательстве» савыктыш пöрт, 2016. — 208 с.
Писатель Г. Алексеев «Сулык» повестьшым пеш оҥайын чоҥен, мастарын чумырен. Кажне савыртышыже лудшым авалта, произведенийым умбакыже лудаш тарата. Автор у йöнымат кучылтеш: кажне глава тÿҥалтыште Библий гыч ужашлам пуртен кая. Нунышт умбакыже действий мо нерген кайымым важмалдыкын ончылгоч тауштен каласат.