Василий Николаевич Попов – Бочоох, олоҥхоһут, тойуксут, суруйааччы 110 сааһа

Нам улууһун Хатырык нэһилиэгэр төрөөбүтэ.
Эһээтэ – Толкууһут Баһылай
Эбээтэ – Чуорааннаах Огдооччуйа
Баһылай сахалыы туойар, бэйэтэ айан ыллыыр идэлээх эбит. Тыла-өһө хомоҕой, уус-уран тыллаах-өстөөх.
70-с сыллардаахха «Үс курдаах Үөлэн Кыырдьыт» олоҥхотун бурят учуонайа Р.А.Шерхунаев истибитэ.

1947-48 сс. Республикатааҕы уус-уран самодеятельность көрүүтүгэр – 1 миэстэ.
Таатта олоҥхоһута И.Е.Огочуяров «Уһук Турбуу» олоҥхотун толорууга кыттыһан Кыра Айыы бухатыырын оруолун толорбута.
1962 с. респ.күрэххэ – 2 миэстэ
Бүлүү олоҥхоһута В.О.Каратаев «Эрбэхчэй Бэргэн» олоҥхотугар Бэриэт Бэргэн аҕатын Сабыйа Баай Тойон оруолун толорбута.
1938 с. саҕалаан, 1971, 1972 сс. ситиһиилээхтик кыттыбыта.

1938 с. «Мас суха» ырыата уус-уран альманаахха, сурунаалга, хаһыакка бэчээттэммит.
1938 с. Г.У.Эргискэ «Биэс мөһөөххө барбатах бадьара дьоруо аттаах Мачайар Баһылай» поэма-тойугу суруттарбыт

1948 с. Гавриил Кычкин-Хабыанньалыын Нам оройуонугар кыттыһаннар бииргэ олоҥхолуу, ыллыы-туойа сылдьыбыттар.
1956 с. – Мэҥэ-Хаҥалас олоҥхоһута Н.И.Степанов-Ноорой бэйэтин айар киэһэтин (7 ырыа-тойук) В.Н.Попов-Бочоохтуун (6 ырыа) уонна ыалдьыт икки олоҥхотун холбоһоннор тэрийбиттэр.

«Иэрэһит Тэрээнэй эмээхсин, Тууһут Токооной оҕонньор уоллара атаҕын иккэрдигэр аҕыс күннүк сири атара үктүөн айанныыр, Алып Хандалый аттаах Үс курдаах Үөлэн Кыырдьыт бухатыыр».
Бу олоҥхо магнитофоҥҥа суруллубута, онтон туспа кинигэ буолан 2009 с. бэчээттэнэн тахсыбыта.

В.Н.Попов-Бочоох айымньытын хомуйууга, кини тылыттан суруйан ылыыга П.Н.Попов, П.Н.Дмитриев-Туутук, В.Н.Никитин, Д.И.Кутуков уо.д.а. өр сылларга утумнаахтык үлэлээбиттэрэ. Кини аныгы олоҕу айхаллыыр тойуктара «Хотугу Сулус» сурунаалга, республика, оройуон хаһыаттарыгар элбэхтик сырдатыллыбыттара