Сыфат дереджелери

Дерснинъ типи: къарышыкъ типтеки дерс
Талим чешити: сыныф-дерс системасы

Окъутув макъсады: талебелернинъ сыфат акъкъында бильгилерини умумийлештирмек ве текрарламакъ; сыфат дереджелери акъкъында малюмат бермек, нутукъта къулланмакъны огретмек.
Инкишаф макъсады: талебелернинъ агъзавий ве язма нутукъларыны зенгинлештирмек, инкишаф этмек.
Тербиевий макъсат: тувгъан тильге севги дуйгъуларыны ашламакъ ве сёзге урьмет тербиелемек.
ДЕРСНИНЪ МАКЪСАДЫ

Талим усуллары: сёз усулы, корьгезме усулы, амелий усулы.
Дерс васталары: дерслик, иш дефтери, джедвель

– Селямлашув!
– Дерсте олмагъан талебелерни къайд этюв
Нутукъ дакъкъасы: (талебелернен субет)
- Балалар, шимди йылнынъ насыл мевсими? Къышта табиатта насыл денъишмелер ола? Къыш айларыны айтынъыз.
I. ТЕШКИЛИЙ КЪЫСЫМ:

Вазифе

СЫФАТ ДЕРЕДЖЕЛЕРИ
Предметлердеки бир сой аляметни микъдарына коре фаркъ этмесине сыфат дереджеси дейлер.
Сыфатлар 3 дереджеде къулланылалар:
1. Адий дередже.
2. Тенъештирюв дереджеси.
3. Устюнлик дереджеси.

Предмет аляметини башкъа предметтеки шу аляметке тенъештирмейип, догърудан-догъру ифаделейиджи сыфатларгъа адий дередже дейлер.
Меселя: яхшы (шеэр), акъыллы (бала), балабан (эв).

Бир предметнинъ алямети башкъа предметнинъ шу аляметине коре арткъачлыгъыны я да эксиклигини косьтерген сыфат шекилине тенъештирюв дереджеси дейлер.
Меселя: Зеранынъ антери Алименинъ антеринден янъыджадыр.
Сыфатларнынъ тенъештирюв дереджеси -джа, -дже, -ча, -че ялгъамалары вастасынен япыла.

Бир предметнинъ алямети башкъа предметнинъ шу сой аляметине коре энъ чокъ олгъанлыгъыны косьтерген сыфат шекиллерине устюнлик дереджеси дейлер.
Устюнлик дереджеси сыфат огюне энъ, эписинден сёзлери къоюлувынен япылыр.
Меселя: Энъ агъыр кунь, эписинден кучьлю.

Тенъештирюв дереджеси
Устюнлик дереджеси
яхшы
балабан
терен
юваш
буюк
яхшыджа
балабанджа
терендже
ювашча
буюкче
энъ, эписинден яхшы
энъ, эписинден балабан
энъ, эписинден терен
энъ, эписинден юваш
энъ, эписинден буюк
Адий дередже

Вазифе
Яхшы, энъ къыскъа, йымшакъча, темиз, алчакъча, энъ енгиль, ешильдже, энъ меракълы, фукъаре, къавийдже, энъ буюк, узун, мавыджа, энъ юксек, агъыр, янъыджа, беяз

1. Язнынъ энъ сыджакъ вакътында биле оларнынъ омузларында
беяз къар чаршафыны корьмек мумкюн ола. (Сабри Асанов)
2. Сув азджа кетер. Явашча акъар. Бу ерге кече келир. (Сабрие
Эреджепова)
3. Бу кедерли хабер шу куню Ватанымызнынъ энъ узакъ кошелерине барып етти (Юсуф Болат)
4. Керчектен де сылакъча къар ягъа, пек япыша чыплакъ тенге
(Абдуреим- Шейх-заде)
5. Имтиан куньлери, къолунда гульдестесинен, узунджа бойлу,
эсмери кельген бир йигит эр даим Эминени институт алдында
беклер эди. (Амет Мефаев)
Сыфатларны тапынъыз ве насыл дереджеде къулланылгъанларыны айтынъыз.
Вазифе