Йомаҡтар

Тәбиғәт тураһында

Өс йөҙ алтмыш биш бала турғай,
Ҡырҡ һигеҙ инә турғай,
Ун икеһе аҡҡош,
Шуны белмәгән-йолҡош.

Ун ике туған,
Теҙелешеп торған.

Ҡыйҡым, ҡыйҡым, ҡыйҡым ҡош,
Ҡыйҡылдашып бара имеш,
Утыҙлаған йомортҡа
Ояһында ҡала имеш.

Күтәрелде, бәрелде,
Күк ишеге ярылды,
Шарт итте, шорт итте,
Ялт итте, үтеп китте.

Аллы-гөллө яулығымды
Ситән аша ырғыттым.

Күк тирмәнең эсендә
булыр ике туп,
Көндөҙ береһен тот,
төндә береһен тот.

Өй башында һаплы сүмес.

Килдем, килдем,
Тышҡа ҡуйып индем.

Аға ла аға - ағып бөтмәй,
Йүгерә лә йүгерә - йүгереп туҡтамай.

Туҫтаҡ тулы һыу,
Һыуҙың өҫтө быу.

Үҫемлектәр донъяһы

Яҙын яҙыла,
Көҙөн йыйыла,
Йәй һыуына,
Ҡыш үҙе йылыта.

Яҡын барма,
Яҡын барһаң, ҡулыңа алма,
Ҡулыңа алһаң, бәлә һалма.

Ҡырҙа үҫкән бер бала,
Өйгә килеп моң һала.

Эсе ҡыҙыл, тышы ҡара,
Ышанмаһаң, ашап ҡара.

Йоморо-йоморо ҡыҙыл төймә,
Башы түбән һалынған,
Уға ҡыҙҙар ялынған.

Түтәлдә үҫкән йәш ҡыҙҙы
Кем үпһә, шул илар.

Бәләкәй генә йорт,
Эсе тулы ҡорт.

Йәнле донъя.

Лап-лап килә, атлап килә,
Йүгереп килә, үкереп китә,
Йөрәгеңде ярып китә,
Баш ҡапҡасын айырып китә.

Ағастан-ағасҡа
һикерә ҡарасҡы.
Сәтләүекте ярата,
Һунарсыны ҡарата.

Аҡ кейем кейгән,
ҡолағы ергә тейгән.

Энәләрен ҡалдырмай йөрөй,
үҙе тегенсе түгел.

Түңәрәк күлдә эт өрә.

Ауыҙы бар, көйшәмәҫ.

Өҫтөндәге кейеменең ямауы бар, йөйө юҡ.