В. Исенеков - мемнан землякна

Валентин Борисович Исенеков
Удмурт Республик, Каракулино район Шопкер ялеш 1935-ше ийыште шочын

В.Исенековын шочмо пӧртшӧ 1935 ий

Кыдалаш шинчымашым Буймо школышто налын

Валентин Исенековын шуко сылнымут пашаже Буймо ял дене кылдалтын, почеламутшо-влак негызеш шуко муро шочын.

1950 ийлаште В. Исенеков Юл ден Чолман энерлаште сплавщиклан пашам ыштен. Паша коклаште дневникым нангаен шоген. Тиде дневник негызеш «Вӱд ӱмбалне» повесть шочын. Аймырын прототипше - Валентин шкеже улеш. Книга 1974 ийыште савыкталтын.

1953-1956 ийлаште Марий АССР, Йошкар-Оласе культпросветшколышто тунемын. Тунем пытарымек, шке шочмо ялыштыже клуб вуйлатышылан пашам ыштен. 1961 йыште Крупская лӱмеш Марий педагогический институтыш тунемаш пурен. 1965-ше ийыште тунеммым кудалтен да Звенигово районысо «Передовик» газет редакцийыште пашам ыштен

Шопкер ялысе клуб. Директор В.Исенеков, 1957 ий.

Валентин Исенеков аваже да Елена шӱжарже дене

Ешыже дене пырля

Валентин Борисович шочмо ялыштыже колхозник-влаклан газетым лудеш

В.Исенеков Шопкер ялысе икшыве-влак дене пырля

1967 ийыште Валентин Исенеков «Ямде лий» газет редакцийыште пашам ышташ тӱналын. Тушто 1988 ий марте пашам ыштен.

Ленин – Сталин корно дене
Илыш корно кия ярымалтын
Пеш шуйналт возын моткочак тораш.
Ленин ой дене тудо волгалтын
ӱжеш ончык лӱдде ошкылаш…
В.Исенековын икымше почеламутшо 1952 ий 16 ноябрьыште «Марий Коммуна» газетеш савыкталтын

Валентин Исенеков – поэт-лирик. Икымше книгаже - «Рвезе йӱк». Шуко почеламутшо негызеш муро-влак шочыныт. Кумдан палыме муро-влак: «Тыгеракын ойла письмажат», «Ош чайка».
Почеламут-влак. 1961 ий .

"Пеледме годым" 1966 ий
1977 ий

.
Йоча ойлымаш-влак. 1986 ий.
"А гыч Я марте" 1975 ий.

Изирак классыште тунемше-влаклан ойлымаш-влак. 1980 ий

Тиде книгаште «Шыже пеледыш» повесть чыла Буймо ял дене кылдалтын.
2015ше ийыште Валентин Исенековын
юбилейжылан «Ямде лий» газет редакцийын пашаенже-влак «Капар тукым» лӱман книгам савыктен луктыныт

Валентин Исенеков марий писатель-влак коклаште (кокымшо радамыште пурла вел гыч икымше)

Ме тендан дене кугешнена да эре тендам шарнаш тӱналына!