Патологиялық-анатомиялық балау әдісі

ЖОСПАР:
КІРІСПЕ
НЕГІЗГІ БӨЛІМ
2.1 ЖҰҚПАЛЫ АУРУЛАРДЫ БАЛАУДЫҢ ЕРЕКШЕЛІКТЕРІ
2.2 ПАТОЛОГИЯЛЫҚ-АНАТОМИЯЛЫҚ БАЛАУ ӘДІСІ
ҚОРЫТЫНДЫ
ПАЙДАЛАНЫЛҒАН ӘДЕБИЕТТЕР

КІРІСПЕ
ИНФЕКЦИЯ – ЖАНУАР ОРГАНИЗМІ МЕН ЗАРДАПТЫ МИКРОБТЫҢ БІР-БІРІНЕ ӘСЕРІНЕН ТУЫНДАЙТЫН ЕРЕКШЕ ЖАҒДАЙ. АЛҒАШ РЕТ ҒЫЛЫМҒА БҰЛ ТЕРМИНДІ 1842 ЖЫЛЫ ХУФЕЛАНД ЕНГІЗДІ.
ЖАЛПЫ ИНФЕКЦИЯ ДЕГЕНІМІЗ – МАКРО ЖӘНЕ МИКРООРГАНИЗМДЕРДІҢ АРАСЫНДАҒЫ ТІРШІЛІК ҮШІН КҮРЕСТІҢ КӨРІНІСІ. БҰЛ КҮРДЕЛІ ПРОЦЕСС ҮШ ТҮРЛІ ФАКТОРЛАРДЫҢ ӨЗАРА ӘСЕРІНЕН ТУЫНДАЙДЫ. ОЛАР: МАКРООРГАНИЗМ, КОЗДЫРУШЫ МИКРОБ ЖӘНЕ СЫРТҚЫ ОРТА ЖАҒДАЙЛАРЫ.

НЕГІЗГІ БӨЛІМ
Жұқпалы ауруларды балау немесе диагноз қою аурудың кез келген түріне қатысты ортақ заңдылықтарына негізделген. Жұқпалы ауруларды балаудың өзіндік үш түрлі ерекшеліктері бар:

1
Әрқайсысының өзіне тән телімді тірі қоздырушысы болатындықтан, сол қоздырушыны ауырған жанурдың денесінен тауып, оны анықтау диагноз қоюға толық негіз болады.
2
Жұқпалы ауру кезінде денеде ауру қоздырушыға қарсы өзіне тән иммундық жауап реакциялары болатындықтан, осы өзгерістерді аллергиялық немесе серологиялық тәсілдермен анықтау – ауруды балаудың аса тиімді әдістері болып табылады.
3
Жұқпалы ауруларға індет процесі тән болғандықтан, індеттану ерекшеліктерін ескеру арқылы балау жұмыстарына тиісті бір бағдар беруге болады.

Патологиялық – анатомиялық әдістің жұқпалы ауруларға диагноз қою үшін көмегі зор. Жұқпалы ауруларды балау үшін үш түрлі патологиялық – анатомиялық өзгерістерді ескеру керек.
Инфекция қоздырушысының денеге енген жерінде болатын өзгерістер.
Инфекциялық процестерге тән денедегі жалпы патологиялық – анатомиялық өзгерістер.
Жекелеген жұқпалы аурулардың өзіне тән телімді өзгерістері.

Жұқпалы аурудың өоздырушысы денеге енген инфекция қақпасында әдетте бастапқы ошақ немесе бастапқы эффект пайда болады. Бастапқы ошақты толық және толық емес бастапқы кешен деп атайды.
Бастапқы толық кешен – тиісті мүше мен оның маңындағы сөл түйіні бірдей зақымдануын атайды.
Толық емес бастапқы кешен – микроб енген жерде ақау болмай тек қана маңындағы сөл түйіні ғана зақымдануын атайды.
Күрделі бастапқы кешен – бастапқы ошақ бір ғана емес бірнеше мүшелерде болуын атайды.

Инфекциялық процетерге тән денедегі жалпы өзгерістерге мыналар жатады.
Қан және сөл айналымының бұзылуы
Лимфоидты мүшелердің зақымданып, мононуклеарлы фагоцит торшаларының көбеюі
Ішкі ағзалардағы дистрофиялық өліеттену құбылыстары
Кілегейлі қабықтар мен терінің зақымдануы.

Жұқпалы ауруларды балау үшін гистологиялық зерттеулердің маңызы зор. Оның нәтижесінде төмендегі құбылыстарды анықтауға болады:
Инфекциялық патологиялық процестердің өршуі
Иммунологиялық қорғаныс процестерінің дамуы.
Әрбір ауруға тән өзгерістердің білінуі.