Кожуун чергелиг Дүжүт-2020 мөөрейнин тергииннери

"Дүжүт-2020"
Кожуун чергелиг "Дүжүт-2020" деп мөөрейге ниитизи-биле 17 огородчулар киришкен. Ооң тиилекчилери Зоя Дажымаевна Иргит (Солчур) база Владимир Биче-оолович Ооржак (Хандагайты) болганнар. Тиилекчилерге дириг хойларны шаңнаан. Арткан мөөрейниң киржикчилеринге амыдыралга ажыктыг өртектиг белектерни тывыскан.
Зоя Дажымаевна Иргит
Владимир Биче-оолович Ооржак

Солчур сумузундан Саида Шойдактың 300 ажыг банка компоттары, дузаан мөөгүлери, янзы-бүрү салаттары, ногаадан белеткээн борщтарын демдеглевес арга чок.
"Дүжүт-2020"
Чочагай Тюлюштуң огородунда помидорларның сорттары 7-8 ангы, каттар база бар, кышка белеткээн банкаларда чемнери дыка хөй болду.
Чодураа Монгушта горох, петрушка,укроп, морковь, свекла элбээ-биле оскен. Дужудун коллективинге улеп, оларны оорткен.

Зоя Маадыр-оолдун чараш чечектер тарып алганын комиссия кежигүннери эскерген.
"Дүжүт-2020"

"Дүжүт-2020"
Өвүр кожуунда ногаа аймаа тараан база чечектер олурткан өг-бүлелер саны чылдан-чылче көвүдеп турары көскү апарган. Кижи бүрүзү бодунуң огородундан огурезин, помидорун, морковун, согуназын ажаап алырга канчап-даа орулгалыг.
Хандагайтының өскүс болгаш ада-иезиниң хайгааралын чидирген уругларның бажыңнарын туткан кудумчуга кожуун чагыргазындан удуртукчулар сонуургап чедип чорааннар.
Улуг эвес даа болза огородту тараан, бажыңнарының даштында чечектери салбаңнаар бажыңнар бар болган. Чамдыктары картофельди база тарааннар бар. Бажыңнар чаа туттунган-даа болза, ногаа тарыырынга черин болбаазырадып, чалдарны кылып, бажыңнарының даштында чечектерни олуртуп турары өөрүнчүг.

"Дүжүт-2020"