Һуңғы ҡыңғырау

Май ҡояшы иркә нурҙарында,
Алып килгән саҡта йылылыҡ,
Беҙ мәктәпкә бөгөн тантаналы
Һуңғы ҡыңғырауға йыйылдыҡ.
Мәктәп, мәктәп... Һинең залдарыңда
Күпме ҡыңғырауҙар ишеттек.
Тупһаң аша атлап инеү менән,
Беҙҙе яҡын күрҙең , иш иттең.
Әйҙә, сыңла, геүлә, һуҙ йырыңды,
Мәктәбемдә һуңғы ҡыңғырау.
Зың-зың йырың минең тормошомда
Татлы бер моң булып яңғырар!
Тәүге ҡыүғырау белем асҡыстарын
Бирә балаларҙың ҡулына.
Һуңғы ҡыңғырау башлап алып сыға
Һәр кешене тормош юлына!

Сораман мәктәбе уҡыусылары

Ҡасан ғына әле, ҡасан ғына
Онотолоп ҡасыш уйнаныҡ.
Тын да алмайынса дәрестәрҙә
Серле әкиәттәр тыңланыҡ.
Һуң аҙаҡ...Хәтерләгеҙ әле.
Беҙҙән йылғыр, шуҡтар булманы.
Пыр туҙышып шаярҙыҡ та көлдөк,
Буштан-бушҡа ғүмер уҙманы.
Үтте йылдар.Бына инде хәҙер
Сыңлай беҙгә һуңғы ҡыңғырау,
Алда торған ҙур юлдарға
Саҡырыусы изге заң булып.