Кым-даа, чуу-даа уттундурбаан

АДЫГ-ООЛ ГРИГОРИЙ
ЛОПСАНОВИЧ
АДЫГ-ООЛ ГРИГОРИЙ
ЛОПСАН ОГЛУ
1916 чылда Бай-Тайганың Көөп-Сөөкке төрүттүнген. 1943 чылда дайынче чорупкан. Салчак Адыг-оолдуң маадырлыг чоруун Совет Чазак Ада-чурт дайыны орденниң I-ги чергези-биле демдеглээн, Тиилелгениң 40 чыл оюн таварыштыр Ада-чурт дайыны орденниң II-ги чергези-биле шаңнаткан. Кызылдың тудугларынга хөй чылдарда ажылдап тургаш пенсияже үнген.
АДЫГБАЙ АЛЕКСЕЙ
САЙЫН-ООЛОВИЧ
1920 чылда Бай-Тайганың Кара-Хөлге ядыы арат Хертек Сайын-оолдуң өг-бүлезинге төрүттүнген. 1941 чылга чедир Кара-Хөл сумузунга аревэ үүрүнүң секретарынга ажылдап чораан. 1943 чылдың августа фронтуже чорупкан. Ровнодан Сурмичи, Дубно чедир тулчуушкуннарның киржикчизи. 1944 чылда дайындан ээп келген. Бай-Тайга СЭКП райкомунга, «Кара-Хөл» колхозунуң даргазынга, партком секретарынга ажылдап чораан. Пенсияже үнгеш Тээли суурга чурттап чораан. 1989 чылдың август 1-де мөчээн. Ада-чурт дайыны орденниң II-ги чергези-биле шаңнаткан.
АДЫГБАЙ АЛЕКСЕЙ
САЙЫН-ООЛОВИЧ
ДАНЗЫН-ООЛ САЛЧАК
ДАРЖАА ОГЛУ
1923 чылда Бай-Тайганың Көөп-Сөөкке төрүттүнген. 1941 чылдан ТАРЭ кежигүнү, шеригже 1941 чылда келдирткен. Ровнонуң чигир заводу дээш тулчуушкуннарга маадырлыг чоруктарын көргүскен. Сурмичи дээш тулчуушкунга аар балыглаткаш, 1944 чылдың төнчүзүнде чанып келген. Маадырлыг чоруун «Эрес-дидим чорук дээш» деп медаль-биле Совет Чазак демдеглээн. ТАР-ның Чазаа «Дайынчы шылгарал дээш» деп медаль-биле шаңнаан. Ол дайындан бут чок чанып келген. Тайбың үеде Салчак Данзын-оол Бай-Тайганың «Тиилелге» колхозунуң үндезилекчилериниң бирээзи. 1968 чылда мөчээн.
ДАНЗЫН-ООЛ
ДАРЖААЕВИЧ САЛЧАК

АГБААН ИРГИТ
ЭРТИНЕЕВИЧ
Агбаан Иргит Эртине оглу 1922 чылда Бай-Тайганың Көөп-Сөөкке төрүттүнген. Араттың Революстуг Шериинче 1942 чылда келдирткен. Саая Ала командылаан сапер взводунга шериг албаны эрттирип тургаш, дайынга киржир күзелин илереткен. Дөрткү тыва эскадроннуң 2-ги салбырынга Ровнонуң чигир заводу дээш сегиржип алыышкынга маадырлыы-биле өлген.

Байыр Медип-оол
Иргитович