Интеллектуалды ойындар окушылардын кабiлеттерiн дамыту куралы ретiнде

«Сабақ беру –
үйреншікті жай шеберлік емес, ол үнемі жаңадан жаңаны табатын өнер»
Ж.Аймауытов

Интеллектуалды ойындар сабақтың тиімділігін, сапасын арттыруымен бірге оқушының оқу белсенділігін, шығармашылық ойлау қабілетін дамытады.

Күтілетін нәтижелер:

кез келген ақпаратты беру және қабылдау үшін жағдайға қарай шағын көлемдегі мәтінді қолдана алады;

алынған ақпараттарға қатысты өзінің ойын білдіру үшін алғашқы сөйлеу дағдыларын қолданады;

тілдік қатынас және қоршаған шынайылықты танып білу құралы ретінде ана тілінің маңызын түсінеді;

топпен, командамен бірлесіп жұмыс жасау үшін алғашқы сөйлеу дағдыларын пайдалана алады;

жаңа ақпараттық және коммуникациялық технологияларды қолдана біледі;

интеллектуалдық ойындар барысында жалпыадамзаттық және әлеуметтік мәдени құндылықтарға өз көзқарасын білдіре білуі;

өзінің бәсекелестік қабілетін арттыру үшін өзін-өзі билеуге және кәсіби өсуге ынталы болуы;

ақыл-ой қабілетін және жалпы өмірлік әрекетін жоғары деңгейде ұстау үшін шығармашылық жұмысқа тартылады.

интеллектуалдық даму деңгейі жоғары , дарынды тұлғалар айқындалады.

Дайындық барысындағы мәселелер
Ойынның мақсаты. Оқушылар сабақта қандай іскерлік пен дағдыны игереді, ойынның қандай тәрбиелік мақсаты көзделеді?
Ойынға қатысушылар саны.
Ойында қолданылатын материалдар, әдебиеттер.

Уақытты үнемдей отырып, ойын шартын қалай түсіндіруге болады?
Ойын қанша уақытқа созылады? Бұл ойын әсерлі, қызықты бола ма?
Оқушылардың ойынға қатысу белсенділігін қалай бақылауға болады?

Ойын бұрын сабақта қолданылған ба? Қандай жағдайда қолданылған?
Ойын қорытындысын хабарлау.

«Алғырлар мен тапқырлар» ойыны.
Ойынның шарты:
3 ойыншы қатысады. Әр ойыншы асық таңдайды, асықтың түсіне байланысты жолға барып тұрады. Тақырып таңдайды.

Сары жолға тұрған ойыншыға жеңіл сұрақ, жасыл жолдағы ойыншыға орташа сұрақтар, қызыл жолдағы ойыншыға күрделі сұрақтар беріледі. Сары жолдағы ойыншыға 5 сұрақ, жасыл жолдағы ойыншыға 3 сұрақ, қызыл жолдағы ойыншыға 2 сұрақ қойылады.

“Ойынсыз ақыл-ойдың қалыпты дамуы да жоқ және болуы да мүмкін емес”
В.А. Сухомлинский